اردو محفل فورم

غدیر مجھے کوئی پٹاکے والے پنجابی اسٹیٹس لکھ کے دو۔ مجھے لگانا ہے اپنا اسٹیٹس :ڈی

پٹاکے والے :پ وضاحت درکار ہے :پ

ویسے پنجابی زبان میں ماہیے اور ٹپے بہت مزے کے ہوتے ہیں :پ

ہی ہی ہی وہی بات بتا دو۔۔ پھر میں اسٹیٹس لگاوں۔۔ مطلب بھی بتا دینا ہی ہی ہی کوئی پوچھے تو بتا سکوں کہ مجھے پتا ہے ہاہاہاہا

میں بتا تو دیتی ہوں لیکن نتائج کی ذمہ داری مجھ پر نہیں :پ
ویسے پنجابی زبان کا ایک خاصا اس میں بے تکلفی کا بے حد پایا جانا بھی ہے جو چیزیں اکثر پنجابی نہ سمجھنے والوں کو غیر اخلاقی لگیں گی وہ پنجابی ماحول میں رہنے والوں کے لیے عجب نہ ہونگی وہ اس کو انجوائے کریں گے کیونکہ وہ اس کے پسِ منظر اور چاشنی سے واقف ہونگے

فیتا....عشقے نے ڈنگ ماریا کڑی سَپ دا بہانہ کیتا (عشق نے ڈنک مارا لیکن محترمہ سانپ کا بہانہ کر رہی ہیں :پ)

سوٹا...ماپیاں جوائی سیہڑیا تیری گُت دے پراندے نالوں چھوٹا..(ماں باپ نے داماد وہ چُنا جو تمھاری چٹیا کے پراندے سے بھی چھوٹا ہے:پ ) بہنا آپ پراندہ جانتی ہیں؟

مدھانیاں...ہائے او میرے ڈاڈھیا ربا کنے جمیاں کنا نیں لے جانیاں...(مدھانی وہ جس میں دودھ بلوتے ہیں..ہائے میرے قہار رب کس نے بیٹیاں پیدا کیں اور کون لے جاتا ہے)

چھولے...بابل تیرے محلاں وچوں ست رنگیاں کبوتر بولے (بابا آپ کے محل میں ست رنگے کبوتر بولتے ہیں) یہ اس بیٹی کی ادسی کو نمایاں کر رہا ہے جو اپنے بابا کے گھر کی آسائشوں اور لاڈ کو چھوڑ کر جا رہی ہے

چھوئی...بابل تیرے محلاں وچوں تیری لاڈو پردیسن ہوئی (بابا آپ کے محل سے آپ کی لاڈلی پردیسی ہو گئی ہے)

چھلا پایا گہنے
سدا ماپے نئیں رہنے
دکھ جندڑی دے سہنے

(ماہیے ٹپے یا چھلا میں پہلے مصرعے کا لنک عموماً دوسرے مصرعوں سے نہیں ہوتا وہ قافیہ کی ضرورت کو پورا کرتا ہے یا پنجاب کی ثقافت سے جڑا ہوتا ہے اس لیے میں پہلے مصرعوں کے ترجمے کو نظر انداز کر رہی ہوں گو کہ آپ کو ان کا مطلب جاننا ہو گا تو میں بتا دوں گی

سدا ماں باپ نہ رہیں گے
یہ زندگی کے دکھ اٹھانے پڑیں گے
)

فیبٹاسٹک غدیر۔۔۔ اسی لیے تو مجھے پنجانی سیکھنی ہے۔۔ بہت ہی سوئیٹ زبان ہے