You are using an out of date browser. It may not display this or other websites correctly.
You should upgrade or use an
alternative browser.
-
لُطفِ آزادیِ زِندانِ بَلا کیا کہیے !
اب جو چُھوٹے تو، اَسِیرِ غَمِ زِنداں ہونگے
جِگؔر مُراد آبادی
-
اب تو آتا ہے یہی جی میں کہ اے محوِ جفا
کُچھ بھی ہو جائے، مگر تیری تمنّا نہ کریں
حسرؔت موہانی
-
آساں نہیں مُعاملۂ جلوہ و نظر
چشمِ کلِیم چاہیئے دِیدار کے لئے
جِگر مُراد آبادی
-
ہم سے نہ پُوچھ شورشِ درماندگی کا راز
جیتے ہیں اِک نِگاہِ طرفدار کے لئے
جِگر مُراد آبادی
-
مہ و نجوم کو، تیری جبیں سے نسبت دُوں
اب اِس قدر بھی نہیں عادَتِ غلو ُمجھ مَیں
انور شعُوؔر
-
کہو حَسِینوں سے آجائیں بے حجابانہ
مِری نظر سے کسی کو نظر نہیں لگتی
شاؔذ تمکنت
-
حکایتِ غَمِ جاں کیا سُنائیں دُنیا کو
طوِیل تو نہیں پر مُختصر نہیں لگتی
شاؔذ تمکنت
-
جوشِ جنُوں سے کُچھ نہ چلی ضبطِ عِشق کی
سو سو جگہ سے آج، گریباں نِکل گیا
جگرؔ مُرادآبادی
-
مارے خوشی کے مر گئے صُبحِ شَبِ فِراق
کتنے سُبک ہُوئے ہیں گراں جانیوں میں ہم
مومن خاں مومنؔ
-
کُھل گیا عِشقِ صنم طرزِ سُخن سے، مومنؔ
اب چُھپاتے ہو عبث، بات بناتے کیوں ہو
مومن خاں مومنؔ
-
صد سالہ دَورِ چرخ تھا ساغر کا ایک دَور
نکلے جو میکدے سے تو دُنیا بدل گئی
حافظ کرامت اللہ خاں گستاؔخ رامپوری
-
اِس رَوِش سے وہ چلے گُلشن میں !
بِچھ گئے پُھول، صَبَا لَوٹ گئی
امِیؔر مینائی
-
گُل نے ہزار رنگِ سُخن وا کیا، ولے !
دِل سے گئیں نہ باتیں تِری پیاری پیاریاں
مِیر تقی مِیؔر
-
اُس رشکِ گُل کے جاتے ہی بس آ گئی خِزاں
ہر گُل بھی ساتھ ہو کے چمن سے نِکل گیا
امام بخش ناسخؔ
-
شمع ساں لگ اُٹھے زباں کو آگ
گر کرُوں سوزِ دِل بیاں اپنا
بہادر شاہ ظفرؔ
-
زاہد! وہ بادہ کش ہُوں، کہ مانگوُں اگر شراب
اُٹھیں ابھی شراب سے بادل بھرے ہُوئے
شیخ امام بخش ناسؔخ
-
در و دِیوار پہ حسرت سے نظر کرتے ہیں
خوش رہو اہلِ وطن ہم تو سفر کرتے ہیں
واجد علی شاہ اخترؔ
-
خاروں سے پُوچھیئے نہ کسی گُل سے پُوچھئے
صدمہ چمن کے لٹُنے کا بُلبُل سے پُوچھئے
مِیر انیؔس
-
خالِ لب آفتِ جاں تھا مجھے معلوُم نہ تھا
دام دانے میں نہاں تھا مجھے معلوُم نہ تھا
بقااللہ بقاؔ
-
جانا ہے سُوئے وادیِ غُربت بہ حالِ زار
اہلِ وطن مُعاف ہو میرا کہا سُنا
نواب علیخاں سحرؔ
