نتائج تلاش

غمِ حیات وہی دورِ کائنات وہی جو زندگی نہ بدل دے وہ زندگی کیا ہے تو میرے عشق کا آغاز ہے، میں ہُوں انجام یہ سِلسِلہ تو بہت دُور تک پُہنچتا ہے فراق گورکھپوری

کِسے خبر تھی تِرے ظلم کے لئے الله مجھی کو روزِ ازل اِنتخاب کردے گا کہیں چھپائے سے چھپتا ہے لعل گدڑی میں فروغِ حُسن تجھے بے نقاب کردے گا بھلائی اپنی ہے سب کی بھلائی میں بیخود کبھی ہمیں بھی خُدا کامیاب کردے گا گفتاربیخود

کہاں تک تم جلاتے، تم کہاں تک سر جُدا کرتے قیامت تک نہ یہ اندازِ تسلیم و رضا جاتا تمہاری یاد، میرا دل، یہ دونوں چلتے پُرزے ہیں جو اِن میں سے کوئی مِٹتا ، مجھے پہلے مِٹا جاتا گفتاربیخود

اِک آئینہ کے سِوا اُن کے حُسنِ دلکش کا کہیں جواب نہ نِکلا ، کہیں جواب نہ تھا گفتار بیخود

اتنا بیہودہ تو نہیں میں ۔ عزم اور قول کے پختہ ، کے تناظر میں لکھا تھا :):)

جہاں میں تھی فقط افواہ تیرے جلووں کی چراغِ دیر و حرم جھلملائے ہیں کِیا کِیا فراق گورکھپوری

کہاں ہر ایک سے بارِ نِشاط اُٹھتا ہے بلائیں یہ بھی محبّت کے سرگئی ہونگی فراق گورکھپوری

غرض کہ کاٹ دئے زندگی کے دن اے دوست وہ تیری یاد میں ہو ، یا تجھے بُھلانے میں فراق گورکھپوری

سُنے گا کون، سُنی جائے گی صفی کِس سے تمھاری رام کہانی یہ زندگی بھر کی صفی لکھنوی

نظرحُسن آشنا ٹھہری وہ ، خلوت ہو ، کہ جلوت ہو جب آنکھیں بند کِیں ، تصویرِ جاناں دیکھ لیتے ہیں صفی لکھنوی

شعر گوئی کے لئے بس وہی موزوں ہے صفی جس کو جُز فکرِ سُخن ، اور کوئی کام نہیں صفی لکھنوی

یہی جنّت ہے جو حاصِل ہو سُکونِ خاطر اور دوزخ یہی دُنیا اگر آرام نہیں صفی لکھنوی

کوئی سِیکھ لے دل کی بیتابیوں سے ہر انجام میں ، رنگِ آغاز دینا صفی لکھنوی

نہ پُھول مُرغِ چمن، اپنی خوشنوائی پر جواب ہیں مِرے نالے تِرے ترانے کے سائل دہلوی

ہزاروں عشقِ جنُوں خیز کے بنے قصّے ورق ہُوئے جو پریشاں مِرے فسانے کے سائل دہلوی

سائل نے سوال اُس سے کِیا جب بھی ، یہ دیکھا ! مِلتا نہیں ، گالی کے سِوا کوئی جواب اور سائل دہلوی

ہوتے ہی جواں، ہوگئی پابندِ حجاب اور گھونگھٹ کا اضافہ ہوا بالائے نقاب اور جب میں نے کہا کم کروآئینِ حجاب اور فرمایا بڑھا دُوں گی ابھی ایک نقاب اور سائل دہلوی

تباہی بھی ہے اِک نِشانِ ہدایت لُٹے اِس قدر رہنما ہو گئے ہم ساغر نظامی

لے لِیا کام ، جو لینا تھا غمِ ہستی نے ! گرچہ ثابت نہ ہُوئی میری حقیقت اُس کو جگر مُراد آبادی

چشمِ خُوں بستہ سے ، کل رات لہو پھر ٹپکا ہم تو سمجھے تھے کہ، اے میر، یہ آزار گیا میر تقی میر