مختصر نظم

جوئے شِیر (نظم) دن بھر رہا تیشہ بکف مزدور پر اک ٹِن1 نہ سوکھے دودھ کا گھر لا سکا۔ ۔۔۔۔۔ محمد احمدؔ 1. Tin

نیا دور، نئے طور یہ نیا زمانہ ہے اس نئے زمانے میں اب وہ سب نہیں ہوتا وہ جو پہلے ہوتا تھا پہلے دو فریقوں میں ایک جھوٹا ہوتا تھا محمد احمدؔ

رشک بھرے دو سوال کاسنی رنگ کا وہ جو چھوٹا سا پھول اُس کے بالوں میں ہے کن خیالوں میں ہے؟ اور آویزے جو جھلملاتے ہوئے اُس کے کانوں میں ہیں کن اُڑانوں میں ہیں؟ محمد احمدؔ

دل بڑا تِیرہ بخت چراغ ہے کہ تمام عمر جلا مگر کوئی روشنی بھی نہ پا سکا محمد احمدؔ

ٹی وی اینکرز وہ مرے دوست تھے یا دشمن تھے میری بے چارگی پہ روتے تھے غم غلط ہو گیا مرا آخر! محمد احمدؔ

’’ ثبوت ‘‘ کس کو فرصت ہے مجھ سے بحث کرے ۔۔۔۔ اور ثابت کرے کہ میراوجود ۔۔۔۔۔ زندگی کے لیے ضروری ہے ۔۔ جون ایلیا