ادا جعفری ´¯` بے رُخی بڑھتی رہی، وارفتگی بڑھتی گئی ´¯`

[علی وقار]

دل زدوں کے بس میں کیا تھا بے بسی بڑھتی گئی
بے رُخی بڑھتی رہی، وارفتگی بڑھتی گئی
۔۔۔۔۔۔۔۔۔۔۔۔۔۔۔
اک تبسم، اک کلی کافی تھی ساری عمر کو
کیا کریں ہر گھونٹ اپنی تشنگی بڑھتی گئی
۔۔۔۔۔۔۔۔۔۔۔۔۔۔۔
جتنا جتنا بے ثباتی کا یقیں آتا گیا
اتنی اتنی زندگی میں دلکشی بڑھتی گئی
۔۔۔۔۔۔۔۔۔۔۔۔۔۔۔
ہاتھ میں جو شمع تھی گھٹتی گئی، گھلتی رہی
نقشِ پائے رہرواں کی روشنی بڑھتی گئی
۔۔۔۔۔۔۔۔۔۔۔۔۔۔۔
سرکشی کا بھی نتیجہ چلتے چلتے دیکھ لیں
جتنا جتنا سر جھکایا، بے رُخی بڑھتی گئی
۔۔۔۔۔۔۔۔۔۔۔۔۔۔۔
ارتباطِ نُور و ظلمت سے مفر ممکن نہ تھا
روشنی گلیوں میں، دل میں تیرگی بڑھتی گئی
۔۔۔۔۔۔۔۔۔۔۔۔۔۔۔
چند ہی لمحے تھے لیکن کیا گراں گزرے اداؔ
اور وہ سمجھے لذتِ بے چارگی بڑھتی گئی
​

 

[گُلِ یاسمیں]

خوبصورت انتخاب ۔
شئیر کرنے کے لیے شکریہ علی وقار بھیا۔