بابا بلھے شاہ آؤ سیّو رل دیو نی ودھائی - بلھے شاہ

[فرخ منظور]

آؤ سیّو رل دیو نی ودھائی
میں ور پایا رانجھا ماہی

اج تاں روز مبارک چڑھیا
رانجھا ساڈے ویہڑے وڑیا
ہتھ کھونڈی موڈھے کمبل دھریا
چاکاں والی شکل بنائی

آؤ سیّو رل دیو نی ودھائی
میں ور پایا رانجھا ماہی

مکٹ گئواں دے وِچ رُلدا
جنگل جوہاں وچ کس مل دا
ہے کوئی اللہ دے ول بھلدا
اصل حقیقت خبر نہ کائی

آؤ سیّو رل دیو نی ودھائی
میں ور پایا رانجھا ماہی

بلھے شاہ اِک سودا کیتا
پیتا زہر پیالہ پیتا
نہ کچھ لاہا ٹوٹا لیتا
درد دکھاں دی گٹھڑی چائی

آؤ سیّو رل دیو نی ودھائی
میں ور پایا رانجھا ماہی

 

[محمد وارث]

واہ واہ واہ، کیا سوہنا تے من موہنا کلام اے، لا جواب تے بہت شکریہ تہاڈا پوسٹ کرن لئی!

 

[الف نظامی]

بوہت ودھیا!!!

 

[فرخ منظور]

بوہت شکریہ وارث صاحب، نظامی صاحب تے زونی -

 

[فرخ منظور]

آؤ سیّو رل دیو نی ودھائی
میں ور پایا رانجھا ماہی

اج تاں روز مبارک چڑھیا
رانجھا ساڈے ویہڑے وڑیا
ہتھ کھونڈی موڈھے کمبل دھریا
چاکاں والی شکل بنائی​

آؤ سیّو رل دیو نی ودھائی
میں ور پایا رانجھا ماہی​

مکٹ گئواں دے وِچ رُلدا
جنگل جوہاں وچ کس مُل دا
ہے کوئی اللہ دے ول بھلدا
اصل حقیقت خبر نہ کائی​

آؤ سیّو رل دیو نی ودھائی
میں ور پایا رانجھا ماہی​

بلھے شاہ اِک سودا کیتا
پیتا زہر پیالہ پیتا
نہ کچھ لاہا ٹوٹا لیتا
درد دکھاں دی گٹھڑی چائی​

آؤ سیّو رل دیو نی ودھائی
میں ور پایا رانجھا ماہی

(بلھے شاہ)

​