آؤ سیّو ہاسہ ہسیئے (الطاف قریشی)

[غدیر زھرا]

آؤ سیو ہاسہ ہسیئے
ہاسہ جہڑا ندیاں ہسن
چُم چُم رُڑھدے کندھے
ہاسہ جہڑا اوہلے بہہ کے
ہسن روگی بندے
چھَلو سیو
بُلھاں اُتوں
مُڈھلی پیڑھیوں منگیا ہاسہ
رُوح دی کِلی
کفنی وانگوں ٹنگیا ہاسہ
ہسو ہاسہ
ہاسہ جہڑا اکھوں شعلہ بن کے ڈِگے
ہسو ہاسہ، ہاسہ جہڑا دھرتیوں دوزخ بن کے اُٹھے
ہسو ہاسہ، ہاسہ جہڑا روندے ہاسے
ساڑ کے مِٹی مِٹی کر کے
تہاڈے قدماں ہیٹھاں سُٹے

(الطاف قریشی)
​

 

[جاسمن]

بوہت ودیا۔

 

[غدیر زھرا]

بوہت ودیا۔

شکریہ بہنا