قرۃالعین اعوان
لائبریرین
آئی پھر آوازِ درا ۔۔۔۔۔۔۔۔۔۔۔۔۔۔۔۔۔۔۔۔ قافلہ کوئی اور لٹا
غنچہ چٹکا پھول کھلا۔۔۔۔۔۔۔۔۔۔۔۔۔۔۔۔۔۔۔۔ اور تماشہ ختم ہواہمت کرکے ان سے کہا۔۔۔۔۔۔۔۔۔۔۔۔۔ کہنا تھا کچھ، بھول گیا
دل کی نزاکت ایک بلا۔۔۔۔۔۔۔۔۔۔۔۔۔ شمع جلی تو خود بھی جلا
دونوں چمن میں آوارہ۔۔۔۔۔۔۔۔۔۔۔۔۔۔۔۔۔۔ پہلے میں پھر بادِ صبا
اہلِ خرد کی ہر منزل۔۔۔۔۔۔۔۔۔۔۔۔۔۔۔ اہلِ جنوں کی لغزشِ پا
اپنا اپنا ظرف ہے یہ۔۔۔۔۔۔۔۔۔۔۔۔۔۔۔ شبنم روئی پھول ہنسا
برق بھی ہے بیتاب مگر۔۔۔۔۔۔۔۔۔۔۔۔ اپنے دل کی بات ہی کیا
سب کی سب سے راہ الگ۔۔۔۔۔۔۔۔۔۔۔۔۔۔۔ چاروں جانب راہنما
دیکھو لیکن کچھ نہ کہو۔۔۔۔۔۔۔۔۔۔۔۔۔۔۔ کس نے لوٹا کون لٹا
اف یہ بھیانک خاموشی۔۔۔۔۔۔۔۔۔۔۔۔۔۔۔۔ ہوگا کوئی حشر بپا
کیسی کیسی راھزنی۔۔۔۔۔۔۔۔۔۔۔۔۔۔۔ کیسے کیسے راہنما
راہی بیدم، راہ کٹھن۔۔۔۔۔۔۔۔۔۔۔۔۔۔۔۔۔۔۔۔۔۔ رات اندھیری، تیز ہوا
لے کے اچھالا موجوں میں۔۔۔۔۔۔۔۔۔۔۔۔۔ دیکھا ساحل سامنے تھا
ان کا آنا باقی ہے۔۔۔۔۔۔۔۔۔۔۔۔۔۔ رات بھی گزری، دن بھی ڈھلا
دل ٹوٹا تو محفل چپ۔۔۔۔۔۔۔۔۔۔۔۔۔۔۔ جام گراتو شور اٹھا
عرش کو جیسے چھو آئے۔۔۔۔۔۔۔۔۔۔۔ جب بھی ہم نے سجدہ کیا
سچ ہے میں دیوانہ ہوں۔۔۔۔۔۔۔۔۔۔۔۔۔۔۔ آپ سے لیکن کس نے کہا
کس نے رکھا دل پر ہاتھ۔۔۔۔۔۔۔۔۔۔۔۔۔۔ کوئی بھی میرے پاس نہ تھا
راہِ وفا کیا طے ہوتی۔۔۔۔۔۔۔۔۔۔۔۔۔ ایک تصور ساتھ چلا
کیفی کہہ کر حالِ جنوں۔۔۔۔۔۔۔۔۔۔۔۔۔ سب کو رلا کر خوب ہنسا
ہم سے چھپنا کھیل نہیں ۔۔۔۔۔۔۔۔۔۔۔۔۔۔۔۔۔آپ نے چھپ کر دیکھ لیا
کیفی کب تک ذکرِ چمن۔۔۔۔۔۔۔۔۔۔۔۔ بیتی باتیں بھول بھی جا
زکی کیفی