آج اُسے پھر یاد کیا ۔۔۔

[حجاب]

آج ذرا فرصت پائی تھی ، آج اُسے پھر یاد کیا
بند گلی کے آخری گھر کو کھول کے پھر آباد کیا

کھول کے کھڑکی چاند ہنسا پھر چاند نے دونوں ہاتھوں سے
رنگ اُڑائے ، پھول کھلائے ، چڑیوں کو آزاد کیا

بڑے بڑے غم کھڑے ہوئے تھے ، رستہ روکے راہوں میں
چھوٹی چھوٹی خوشیوں سے ہی ہم نے دل کو شاد کیا

بات بہت معمولی سی تھی ، اُلجھ گئی تکراروں میں
ایک ذرا سی ضد نے آخر دونوں کو برباد کیا

داناؤں کی بات نہ مانی ، کام آئی نادانی ہی
سُنا ہوا کو ، پڑھا ندی کو ، موسم کو اُستاد کیا ( ندا فاضلی )
&&&&&&&&&&&&&&&&&&&&&&&&&

 

[خاموش نگاہیں]

میں بھی آج ہی یاد کر رہا تھا

 

[محمد وارث]

شکریہ آپ کا خوبصورت غزل شیئر کرنے کیلیئے

 

[نوید ملک]

بات بہت معمولی سی تھی ، اُلجھ گئی تکراروں میں
ایک ذرا سی ضد نے آخر دونوں کو برباد کیا

بہت خوب حجاب