آرزو دھوکہ نہ دے اے جستجو دھوکہ نہ دے

[محمد اظہر نذیر]

آرزو دھوکہ نہ دے اے جستجو دھوکہ نہ دے​

دیکھ تو مجھ کو عدو کے روبرو دھوکہ نہ دے​

​

​

پیار کا دعوی ہے جھوٹا، اس میں کوٴی شک نہیں​

مجھ کو اب تیرا یہ شوق گفتگو دھوکہ نہ دے​

​

​

یار نے جیسے دیا ہے، پیار نے جیسے دیا​

کم سے کم اتنا تو کر کہ ہوبہو دھوکہ نہ دے​

​

​

ہر حسیں شے پر سے میرا اُٹھ نہ جاٴے اعتماد​

دھول آنکھوں میں نہ جھونک، اے خوبرو دھوکہ نہ دے​

​

​

میں بھٹکتا پھر رہا ہوں کوچہ کوچہ کھوج میں​

رحم کر لے کچھ مجھے یوں کوبکو دھوکہ نہ دے​

​

​

شوروغوغا سے کبھی حالات بدلیں گے نہیں​

سن چکا اظہر تری یہ ہاو ہو، دھوکہ نہ دے​

​