سید عاصم علی شاہ
محفلین
یہ کون ظالم ہے۔۔۔
جو گُلوں کو مسل گیا ہے۔
یہ کون خودغرض آدمی ہے،
جو خوشبووُں کو جکڑ گیا ہے۔۔
شفق کی لالی اداس بے دم،
ہیں بلبلیں بھی نڈھال و پرنم،
کہ جس سے شاخیں جھلس گئی ہیں ،
لگا کے ایسی نظر گیا ہے۔۔
نہ سوندھی سوندھی زمیں کی خوشبو،
نہ اجلا اجلا چمن کا سبزہ،
ہر ایک غنچہ لہو لہو ہے،
یہ کیسے بادل برس گیا ہے۔۔۔
نہ ہی کلیوں کے شوخ رنگ ہیں،
نہ پرندوں کا چہچہانہ،
آج غارت گروں کے ڈر ،
سارا گلشن سہم گیا ہے۔۔۔
نہ ہی شبنم فضا سے اتری،
نہ ہوا اپنے گھر سے نکلی،
نہ ہی سورج کی کرن چمکی،
نہ کلی کوئی آج چٹخی،
آج تم جو نہ مسکرائے،
نظام قدرت بھی تھم گیا ہے۔۔۔
(تحریر: سید عاصم علی شاہ)
آخری تدوین: