آزادی کا مطلب کیا؟

[جاسمن]

آزادی کا مطلب کیا؟
بی بی سی کے جنوبی ایشیائی قارئین کے لیے آزادی کیا معانی رکھتی ہے: تصاویر

انضمام جاوید نے یہ تصویر پاکستان کےعلاقے گلکت بلتستان میں اپنےگھر کے باغیچے میں ٹائمر کی مدد سے کھینچی۔جاوید کے لیے آزادی بہت گہرے معنی رکھتی ہے ۔ان کی رائے میں ’جیسے جیسے دنیا میں ترقی ہو رہی ہے میرا ملک پاکستان اپنے لیے قدامت پسندی کا انتخاب کر رہا ہے‘۔ ان کے مطابق آزادی یہ ہوگی کہ’سورج کی روشنی کو دوبارہ دیکھا جائے۔‘

 

[جاسمن]

بھارتی شہر بینگلور کی ببیتا برووتی کے مطابق انھیں آزادی کا احساس اتراکھنڈ کے ان پہاڑوں میں ہوا۔ وہ تین دن تک برف میں چلنے کے بعد اس مقام پر پہنچی تھیں۔

 

[جاسمن]

کابل سے حمیدہ محب اللہ کہتی ہیں کہ اس منظر کی عکس بندی کے وقت ان کی کیفیت ایسے تھی کہ جیسے وہ تیر رہی ہوں اور تصویر میں ایسا لگتا ہے کہ افغانستان’ دنیا کا سب سے پرامن ملک ہے،جیسے یہاں 35 سال تک جنگ اور تباہی کبھی ہوئی ہی نہیں تھی۔‘

 

[جاسمن]

جنوبی پنجاب کا یہ خاندان درختوں کو پناہ گاہ کے طور پر استعمال کر رہا ہے۔ یہ تصویر بھیجنے والے عمار شاکر جاجا کہتے ہیں کہ وہ بنادرودیوار کی زندگی دیکھ کر آزادی سے متعارف ہوئے۔’میں ان پر رشک کرتا ہوں کیونکہ میں لاہور میں رہتا ہوں ،جہاں ہمارے اردگرد صرف اینٹیں اور پتھر ہوتے ہیں۔‘

 

[جاسمن]

ونود نیلسن کی بیٹی دہلی کے سیاحتی مقام پر بلبلوں کا پیچھا کرنے میں مصروف ہے۔ یہ گھرانہ عوماً کابل میں ہوتا ہے جہاں ان کی بیٹی کو کبھی گلیوں میں گھومنے پھرنے کی اجازت نہیں مل سکتی۔ ونود اور ان کی بیوی جویتا ٹامس اس وقت کو یاد کرتے ہیں جب افغانستان میں عورتوں کو ایسی آزادی تھی۔

 

[جاسمن]

’خلوت کا اک لمحہ‘۔ یہ تصویر مارک ڈی رونڈ نے جولائی 2011 میں افغانستان کے باسٹین کیمپ میں لی۔ جو جنگ سے تباہ حال افغانستان میں ایک شخص کی تنہائی اور اس سے فرار کے لیے کی جانے والی کوشش بیان کر رہی ہے۔

 

[جاسمن]

پاکستان کے شہر بہاولپور میں گرم چادر میں لپٹا یہ شخص سخت سردی سے بچنے کے لیے کوشاں ہے۔ یہ تصویر کھینچنے والے ارسلان بخاری کہتے ہیں’وہ اپنے اردگرد سے اور موسم سے غافل اپنی ہی دنیا میں مگن ہے۔‘

 

[جاسمن]

بھارتی ریاست کیرالہ کے علاقے گورووایور میں نہانے کا مزہ لیتے ہاتھی کی یہ تصویر وینکتا کرشنا نرائنن نے لی۔ وہ کہتی ہیں کہ ’مخلوق اس آزادی کا مزہ لے رہی ہے جو اس کے پاس ہے۔‘

 

[جاسمن]

بھارت کے انیردھ شرما کا کہنا ہے کہ وہ خود کو تب آزاد تر محسوس کرتے ہیں جب وہ آفس سے دور لیکن تازہ ہوا میں درختوں ، دریاؤں ، پہاڑوں اور جھیلوں کے سنگ ہوتے ہیں۔‘

 

[جاسمن]

بھارتی شہر پونے میں زیر تعلیم سہانہ سونگ 2011 میں اہل خانہ سے ملنے آبائی ملک بھوٹان گئیں۔ ان کا گاؤں پارو نامی تاریخی وادی میں واقع ہے اور یہ وہ جگہ ہے جہاں آ کر وہ خود کو سب سے زیادہ آزاد محسوس کرتی ہیں۔