آمد محبوب رب اکبر مرحبا ۔۔۔۔۔۔۔۔ ولادت مبارکہ کی نسبت سے شعر لکھیے

[جیلانی]

نثار تیری چہل پہل پر ہزاروں عیدیں ربیع الاول
سوائے ابلیس کے جہاں میں سبھی تو خوشیاں منارہے ہیں

 

[جیلانی]

جس سہانی گھڑی چمکا طیبہ کا چاند
اس دل افروز ساعت پہ لاکھوں سلام

 

[جیلانی]

ربیع الاوّل امیدوں کی دنیا ساتھ لے آیا​

دعاؤں کی قبولیت کو ہاتھوں ہاتھ لے آیا​

جہاں میں جشن صبح عید کا سامان ہوتا تھا​

ادھر شیطان اپنی ناکامی پہ روتا تھا​

سر فاراں پہ لہرانے لگا جب نور کا جھنڈا​

ہوا اک آہ بھر کر فارس کا آتش کدہ ٹھنڈا​

ندا آئی ، دریچے کھول دو ایوان قدرت کے​

نظارے خود کرے گی آج قدرت شان قدرت کے​

صدا ہاتف نے دی اے ساکنان خطۂ ہستی​

ہوئی جاتی ہے پھر آباد یہ اجڑی ہوئی بستی​

ضعیفوں ، بے کسوں ، آفت نصیبوں کو مبارک ہو​

یتیموں کو ، غلاموں کو ،غریبوں کو مبارک ہو​

مبارک ہو کہ ختم المرسلین تشریف لے آئے​

جناب رحمۃ اللّعالمین تشریف لے آئے​

 

[جیلانی]

جس سہانی گھڑی چمکا طیبہ کا چاند
اس دل افروز ساعت پہ لاکھوں سلام

 

[جیلانی]

مبارک ہو کہ ختم المرسلین تشریف لے آئے​

جناب رحمۃ اللّعالمین تشریف لے آئے​

 

[خواجہ طلحہ]

تزئین کائنات برنگِ دگر ہے آج
جشنِ ولادت شاہِ جنّ و بشر ہے آج

صدیوں سے فرشِ راہ تھے جس کے لیے نجوم
آغوش آمنہ میں رشکِ قمر ہے آج

صُبح ازل کو جس نے دیا حسنِ لازوال
وہ موجِ نور زینتِ دیوار و در ہے آج

کس کے قدم سے چمکی ہے بطحا کی سرزمیں
ظلمت کدوں میں شورِ نویدِ سحر ہے آج

اے چشمِ شوق شوکتِ نظارہ دیکھنا
ماہِ فلک چراغِ سرِ رہ گذر سے آج

شوقِ نظارہ نے وہ تراشا ہے سُر
جس آئنے میں جلوئہ آئنہ گر ہے آج

جچتی نہیں نگاہ میں دُنیا کی رونقیں

کیا پُوچھتے ہو دھیان ہمارا کدھر ہے آج

ناصر درِ حضور سے جوچاہو مانگ لو
وا خاص و عام کے لیے بابِ اثر ہے آج
از:
ناصر کاظمی