آنند نرائن مُلا :::: گزری حیات، وہ نہ ہوئے مہرباں کبھی :::: Anand Narain Mulla

[طارق شاہ]

آنند نرائن مُلّا

غزل

گزُری حیات، وہ نہ ہُوئے مہرباں کبھی
سُنتے تھے ہم، کہ عشق نہیں رایگاں کبھی

اِتنا تو یاد سا ہے ، کہ ہم تھے جواں کبھی
پھرتی ہیں کُچھ نِگاہ میں پرچھائیاں کبھی

دو گُل قفس میں رکھ کے نہ صیّاد دے فریب
دیکھا ہے ہم نے، جیسے نہیں آشیاں کبھی

بُھولے ہوئے ہو تم ، تو دِلائیں گے ہم نہ یاد !
ہم تم بھی، راہِ زیست میں تھے ہم عناں کبھی

ویرانئ نِگاہ پہ میری ، نہ جائیے
پلتی تھیں اِس کے سایے میں بھی بجلیاں کبھی

ہاں یاد ہے، کسی کی وہ پہلی نگاہِ لُطف
پھر خُوں کو یوں رگوں میں نہ دیکھا رواں کبھی

مُلّا بنادیا ہے اِسے بھی محاذِ جنگ
اِک صُلح کا پیام تھی اُردو زباں کبھی

آنند نرائن مُلّا


​

 

[خالد محمود چوہدری]

گزُری حیات، وہ نہ ہُوئے مہرباں کبھی
سُنتے تھے ہم، کہ عشق نہیں رایگاں کبھی

اِتنا تو یاد سا ہے ، کہ ہم تھے جواں کبھی
پھرتی ہیں کُچھ نِگاہ میں پرچھائیاں کبھی




بہت خوب

 

[خالد محمود چوہدری]

مُلّا بنادیا ہے اِسے بھی محاذِ جنگ
اِک صُلح کا پیام تھی اُردو زباں کبھی




کوئی کچھ بھی کر لے ، اردو کل بھی شاندارتھی، آج بھی شاندارہے، کل اوربھی زیادہ شاندار ہوگی۔ انشااللہ

 

[کاشفی]

واہ! عمدہ جناب۔
گزُری حیات، وہ نہ ہُوئے مہرباں کبھی
سُنتے تھے ہم، کہ عشق نہیں رایگاں کبھی

اِتنا تو یاد سا ہے ، کہ ہم تھے جواں کبھی
پھرتی ہیں کُچھ نِگاہ میں پرچھائیاں کبھی

 

[طارق شاہ]

واہ! عمدہ جناب۔
گزُری حیات، وہ نہ ہُوئے مہرباں کبھی
سُنتے تھے ہم، کہ عشق نہیں رایگاں کبھی

اِتنا تو یاد سا ہے ، کہ ہم تھے جواں کبھی
پھرتی ہیں کُچھ نِگاہ میں پرچھائیاں کبھی

اظہار خیال اور داد کے لئے ، تشکّر کاشفی صاحب !
بہت خوش رہیں

 

[عمر سیف]

واہ واہ ۔۔ بہت خوب ۔۔