آپ کے پسندیدہ اشعار!

[شمشاد]

دل بجھنے لگا آتش رخسار کے ہوتے
تنہا نظر آتے ہیں غم یار کے ہوتے
زہرا نگاہ

 

[حسرت جاوید]

گھر ہمارا جو نہ روتے بھی تو ویراں ہوتا
بحر گر بحر نہ ہوتا تو بیاباں ہوتا

غالب

 

[گُلِ یاسمیں]

عجب انقلاب زمانہ ہے مرا مختصر سا فسانہ ہے
یہی اب جو بار ہے دوش پر یہی سر تھا زانوئے یار پر

جگر مراد آبادی

 

[حسرت جاوید]

عجب انقلاب زمانہ ہے مرا مختصر سا فسانہ ہے
یہی اب جو بار ہے دوش پر یہی سر تھا زانوئے یار پر

جگر مراد آبادی

واہ۔

 

[حسرت جاوید]

ہر اک حالت کے بیری ہیں یہ لمحے
کسی غم کے بھروسے پر نہ رہیو

جون ایلیا

 

[حسرت جاوید]

نظر پر بار ہو جاتے ہیں منظر
جہاں رہیو وہاں اکثر نہ رہیو

جون ایلیا

 

[گُلِ یاسمیں]

تیرے لفظوں میں وہ تاثیر کہاں
اپنی آنکھوں سے کہو بات کریں

 

[گُلِ یاسمیں]

جانے والے ہماری محفل سے چاند تاروں کو ساتھ لیتا جا
ہم خزاں سے نباہ کر لیں گےتو بہاروں کو ساتھ لیتا جا

 

[شمشاد]

میرے لئے جینے کا سہارا ہے ابھی تک
وہ عہد تمنا کہ تمہیں یاد نہ ہوگا
حبیب احمد صدیقی

 

[گُلِ یاسمیں]

بہت کچھ اور بھی ہے اس جہاں میں
یہ دنیا محض غم ہی غم نہیں ہے

اسرار الحق مجاز

 

[شمشاد]

چارہ سازوں کی چارہ سازی سے
اور بیمار کی دشا بگڑی
آتش بہاولپوری

 

[گُلِ یاسمیں]

ہونٹوں پہ کبھی ان کے مرا نام ہی آئے
آئے تو سہی بر سر الزام ہی آئے

ادا جعفری

 

[شمشاد]

سمجھا لیا فریب سے مجھ کو تو آپ نے
دل سے تو پوچھ لیجیے کیوں بے قرار ہے
لالہ مادھو رام جوہر

 

[حسرت جاوید]

ٹوٹ کہ پھر نہ جڑا عہدِ محبت کی طرح
میرا پیمانۂِ دل بھی ترا پیمانہ نکلا

صہبا ‌اختر

 

[گُلِ یاسمیں]

ہوائے شب سے نہ بجھتے ہیں اور نہ جلتے ہیں
کسی کی یاد کے جگنو دھواں اگلتے ہیں
شب بہار میں مہتاب کے حسیں سائے
اداس پا کے ہمیں، اور بھی مچلتے ہیں

شکیب جلالی

 

[اے خان]

اٹھ کے محفل سے مت چلے جانا
تم سے روشن یہ کونا کونا ہے
واجدہ تبسم

 

[گُلِ یاسمیں]

دستِ خالی سے اڑانا ہے پرندہ مجھ کو
عالمِ غیب سے ہوتا ہے اشارہ مجھ کو
چابکِ آہ و فغاں راس نہیں آیا تا
رخشِ احساس نے کر دینا ہے بوڑھا مجھ کو

افتخار ملک

 

[اے خان]

ہم محبت کی انتہا کر دیں
ہاں مگر ابتدا کرے کوئی
شفیع منصور

 

[حسرت جاوید]

ہر ایک شخص کو کہنا پڑا کہ خوش ہیں بہت
اجڑ کے حرمتِ دل کو بچائے پھرتے ہیں

گنوا نہ دیں کہیں عجلت پرستیوں میں تجھے
یہ سوچ کر تجھے خود سے لگائے پھرتے ہیں

کومل جوئیہ

 

[گُلِ یاسمیں]

اے درختانِ ثمر بار اگر بار نہ ہو
میں مروں تو ہرے پتوں پہ سلانا مجھ کو
افتخار فلک