جاں نثار اختر آہٹ سی کوئی آئے تو لگتا ھے کہ تم ھو -جاں نثار اختر

[پیاسا صحرا]

آہٹ سی کوئی آئے تو لگتا ھے کہ تم ھو

سایہ کوئی لہرائے تو لگتا ھے کہ تم ھو

جب شاخ کوئی ھاتھ لگاتے ھی چمن میں

شرمائے لچک جائے تو لگتا ھے کہ تم ھو

صندل سے مہکتی ھوئی پر کیف ھوا کا

جھونکا کوئی ٹکرائے تو لگتا ھے کہ تم ھو

اوڑھے ھوئے تاروں کی چمکتی ھوئی چادر

ندی کوئی بل کھائے تو لگتا ھے کہ تم ھو

جب رات گئے کوئی کرن میرے برابر

چپ چاپ سے سو جائے تو لگتا ھے کہ تم ھو

جاں نثار اختر

 

[زینب]

ہارٹ ٹچنگ۔۔۔۔۔۔۔۔۔۔۔۔۔۔۔۔۔۔۔

 

[شارق مستقیم]

پہلے پہل میں سمجھا کہ یہ وہی فراز کی غزل ہے،

جس سمت بھی دیکھوں نظر آتا ہے کہ تم ہو
اے جانِ جہاں یہ کوئی تم سا ہے کہ تم ہو

یہ خواب ہے خوشبو ہے کہ جھونکا ہے کہ پل ہے
یہ دھند ہے بادل ہے کہ سایہ ہے کہ تم ہو

۔ ۔ ۔

اے جانِ فراز اتنی بھی توفیق کسے تھی
ہم کو غمِ ہستی بھی گوارا ہے کہ تم ہو

 

[محمد خلیل الرحمٰن]

آہٹ سی کوئی آئے تو لگتا ہے کہ تُم ہو
سایہ کوئی لہرائے تو لگتا ہے کہ تُم ہو

جب شاخ کوئی ہاتھ لگاتے ہی، چمن میں
شرمائے، لچک جائے ، تو لگتا ہے کہ تُم ہو

صندل سے مہکتی ہوئی پُر کیف ہوا کا
جھونکا کوئی ٹکرائے ، تو لگتا ہے کہ تُم ہو

اوڑھے ہوئے تاروں کی چمکتی ہوئی چادر
ندی کوئی بل کھائے تو لگتا ہے کہ تُم ہو

جب رات گئے کوئی کِرن، میرے برابر
چُپ چاپ سے سوجائے ، تو لگتا ہے کہ تُم ہو
(جاں نثار اختر)​

 

[کاشفی]

بہت ہی خوبصورت!

 

[یاز]

بہت خوب جناب۔