محمد عدنان اکبری نقیبی
لائبریرین
جیسے کوئی اپنا مل کربچھڑ گیا ہو اور جیسے اس کی یاد میں روح بے چین رہتی ہو، اس کی باتیں ، اس کی مسکرائٹ الغرض ایک ایک ادا یاد آرہی ہو ۔بہت سوچا ،،،،اور مزید سوچا تو مسلسل سوچنے کے عمل سے یہ آگہی ملی کہ یہ تو ہمارے اپنوں کی چاہ ہے جن سے ہم چند گھنٹوں کے لیے ملے تھے مگر وہ کچھ گھنٹوں کی ملاقات تو زندگی پر کچھ اس طرح نقش چھوڑ گئی ہے کہ ہمیں بھولائے نہیں بھولتی ۔اکثر ہم محفل پر اردو محفلینِ کراچی کی ملاقات کا آنکھوں دیکھا حال ، کچھ اپنی کچھ دیگر شرکا کی زبانی دھاگہ کھول لیتے ہیں اور محفلین کی محبتوں اور خلوص بھری ملاقات کے منظر میں کھوجاتے ہیں ۔ کیا ہی پر کیف لمحات تھے ، ہم تو یہی آرزو کیے بیٹھے تھے کہ کاش اس محبت بھری بیٹھک کا سلسلہ کبھی ختم نا ہو پر وہ آرزو ہی کیا جو پوری ہو جائے ۔بس اس سوچ کو دماغ میں لیے ہم نے پھر سے محبت بھری بیٹھک کا اہتمام کرنے کی ٹھانی لی ہے ۔ہم بتائے دے رہے ہیں کہ اب ہم سے مزید انتظار نہیں ہونے کا ، بس آپ سب جلد از جلد ملاقات کے لیے وقت نکل لیں اور دوبارہ سے روح کو محبتوں سے سیراب کرنے کے لیے ایک ملاقات کے بہانے جمع ہوجائیں ۔
ہم گذشتہ ملاقات میں شامل محفلین اور وہ محفلین جو کراچی میں بستے ہیں یا وہ محفلین جو ملاقات کے موقع پر بیرون شہر سے کراچی آئے ہوئے ہوں ،ان سب کو ملاقات کی دعوت پیش کرتے ہیں کہ " آئیں مل کر محبت عام کرتے ہیں " ۔
ہمیں جن محفلین کا علم تھا ان سب کو ٹیگ کر دیا ہے اس کے علاوہ آپ میں سے جو بھی شریک ملاقات ہونا چاہے تو ہمیں بہت خوشی ہوگی ۔آپ اس دھاگہ میں اپنی دلچسپی ظاہر کرسکتے ہیں ۔
اب آپ تمام محفلین ملاقات کے حوالے سے اپنی اپنی گفتگو کا آغاز شروع کریں تاکہ اس نیک مقصد کو پائے تکمیل تک پہنچایا جاسکے ۔
