فرخ منظور
لائبریرین
آ سجن گل لگ اساڈے، کیہا جھیڑا لایو ای ؟
سُتیاں بیٹھیاں کجھ نہ ڈٹھا، جاگدیاں شوہ پایو ای
قم باذنی شمس بولے، الٹا کر لٹکایو ای
عشقن عشقن جگ وچ ہوئیاں، دے ولاس بٹھایو ای
میں تیں کائی نہیں جدائی، پھر کیوں آپ چھپایو ای
مجھیاں آئیاں ماہی نہ آیا، پھوک برہوں رلائیو ای
ایس عشقَ دے ویکھے کارے، یوسف کھُوہ پوایو ای
وانگ زلیخا وچ مصر دے، گھُنگٹ کھول رلایو ای
ربِّ ارنی موسیٰ بولے، تد کوہ طور جلایو ای
لن ترانی جھِڑکاں والا، آپے حکم سنایو ای
عشقَ دیوانے کیتا فانی، دل یتیم بنایو ای
بلھا شوہ گھر وسیا آ کے، شاہ عنایت پایو ای
آ سجن گل لگ اساڈے، کیہا جھیڑا لایو ای ؟
(بلھے شاہ)