اؤکھا تے وِچھوڑا وی، مِلنا وی کھری مُشکل - برکت رام یُمن

[شمشاد]

اؤکھا تے وِچھوڑا وی، مِلنا وی کھری مُشکل
جِدھر وی نظر کیتی، اودھر ہی دھری مُشکل

اوہ مِل کے کدوں بیٹھا، اوہ رل کے کدوں ٹُریا
جس کہہ تاں لئی سوکھی، پر سُن کے زری مُشکل

دُشمن وی نہ پھس جاوے، زُلفاں دے شِکنجے وِچ
ایس پھاہی وچ جو پھسیا، ہووے گا بری مُشکل

بھُل کے وی ہوس اُتے، ٹھگیا نہ دِلا جاویں
جڑھ چٹی ہوئی ایہدی، ہُندی اے ہری مُشکل

دم گِنویں ’یُمن‘ رہ گئے، اؤکھی اے دوا پھُرنی
بس چارہ گرو جاوو، ہُن چارہ گری مُشکل(برکت رام یُمن)