ابھی میرا نہیں ہے تْو (میرے پہلی نثری نظم)

[راحیل خالد نظامی]

تری صورت نہیں دیکھی۔۔
مگر آواز کے سْر سے۔۔۔
شناسائی سی لگتی ہے۔۔۔۔
تیری آواز سے شاید میں اکثر ملتا رہتا ہوں۔۔
وہ جیسے گاؤں میں پہلے۔۔
کسی دربار پر بیٹھا کوئی بوڑھا عقیدت مند۔۔
کبھی جب نیم شب۔۔
دیوار سے لگ کر۔۔
بڑے پْر درد لہجے میں کسی آیت کو پڑھتا تھا۔۔
تو لگتا تھا وہ آیت۔۔۔۔۔۔۔
گاؤں کی سنسان گلیوں میں۔۔
سفر کرتے ہوئے میری گلی تک آن پہنچی ہے۔۔
مرے کچے مکاں کے۔۔
ٹوٹے پھوٹے ادھ کھلے سے گیٹ سے ہو کر۔۔
مرے آنگن میں۔۔
اْس بوڑھے عقیدت مند کی آواز کو پہنے ہوئے نازل ہوئی ہے وہ۔۔
تری آواز بھی شاید۔۔
اْسی بوڑھے عقیدت مند کی آیات کی صورت۔۔
اسی دربار کی طرح مرے دل سے نکلتی ہے۔۔
وہ میری آرزو کے شہر سے ہوتے ہوئے۔۔
بچتے بچاتے۔۔
یاد کے کچے مکاں کے بنجر و ویران آنگن میں۔۔
کبھی نازل ہوئی ہو گی۔۔
مگر یہ ہوش کی دنیا سے کچھ آگے کی باتیں ہیں۔۔
تجھے تو ہوش میں رہنا۔۔
جو کہنا۔۔۔۔۔۔
سوچ کر کہنا۔۔
ہمیشہ راس آیا ہے۔۔
ابھی تک ہوش کے جنجال سے۔۔
نکلا نہیں ہے تْو۔۔
ابھی۔۔۔۔۔۔۔۔
میرا نہیں ہے تْو۔۔۔۔۔
ابھی میرا نہیں ہے تو۔۔​

 

[اوشو]

بہت عمدہ
اگر یہ پہلی کاوش ہے تو قابل رشک ہے
خوش رہیں
بہت جئیں