اب تو اندر کا کوئی کردار بولے

[نورالحسن جوئیہ]

ہم جہاں پر چاہتے تھے پیار بولے
یار لوگوں کے وہاں ہتھیار بولے
کب تلک بولیں گے بیرونی عناصر
اب تو اندر کا کوئی کردار بولے
ناقدیں ایسے غزل پر بولتےہیں
جنگ میں جیسے کوئی تلوار بولے
اک ہمی چپ چاپ رہتے ہیں وگرنہ
بولنے پر آئے تو دیوار بولے
تیرے آنے پر تو آنکھیں کھول دی ہیں
اور کتنا اب ترا بیمار بولے
نورالحسن جوئیہ

 

[ہادیہ]

بہت خوب

 

[نورالحسن جوئیہ]

بہت خوب

شکریہ ہادیہ

 

[الف عین]

واہ، اچھی غزل ہے نہ جانے کیوں ‘ہم بولے گا تو بولو گے کہ بولتا ہے‘ یاد آ گیا

 

[نورالحسن جوئیہ]

واہ، اچھی غزل ہے نہ جانے کیوں ‘ہم بولے گا تو بولو گے کہ بولتا ہے‘ یاد آ گیا

شکریہ سر

 

[محمداحمد]

تیرے آنے پر تو آنکھیں کھول دی ہیں
اور کتنا اب ترا بیمار بولے

واہ۔۔۔۔!

کیا بات ہے۔

 

[نورالحسن جوئیہ]

واہ۔۔۔۔!

کیا بات ہے۔

شکریہ سر

 

[ابن رضا]

تیرے آنے پر تو آنکھیں کھول دی ہیں
اور کتنا اب ترا بیمار بولے

بہت خوب

 

[سید عاطف علی]

واہ، اچھی غزل ہے۔۔۔

 

[سید لبید غزنوی]

اک ہمی چپ چاپ رہتے ہیں وگرنہ
بولنے پر آئے تو دیوار بولے

پہلے تو بہت ساری داد۔۔۔۔۔بہت خوب عمدہ
اور پھر اپنی ذاتی رائے ۔۔۔اگر دوسرا فقرہ اس طرح کردیا جائے تو زیادہ خوبصورت محسوس ہو گا۔۔بولنے پر آئے تو درو دیوار بولے۔۔
صاد رائے تو الف عین سر ہی دے سکتے ہیں۔۔

 

[محمد تابش صدیقی]

پہلے تو بہت ساری داد۔۔۔۔۔بہت خوب عمدہ
اور پھر اپنی ذاتی رائے ۔۔۔اگر دوسرا فقرہ اس طرح کردیا جائے تو زیادہ خوبصورت محسوس ہو گا۔۔بولنے پر آئے تو درو دیوار بولے۔۔
صاد رائے تو الف عین سر ہی دے سکتے ہیں۔۔

اس طرح مصرع وزن سے نکل جائے گا۔

 

[سید لبید غزنوی]

اس طرح مصرع وزن سے نکل جائے گا۔

جی استاذ محترم دل نظر مع خیال ۔۔سرنگوں است

 

[محمد یعقوب آسی]

ناقدیں ایسے غزل پر بولتےہیں

یہاں نون کو غنہ نہ کریں اور الف پر ایصال سے کام لیں تو مصرع زیادہ رواں ہو جائے گا
ناقدین ایسے غزل پر بولتےہیں

 

[نورالحسن جوئیہ]

یہاں نون کو غنہ نہ کریں اور الف پر ایصال سے کام لیں تو مصرع زیادہ رواں ہو جائے گا
ناقدین ایسے غزل پر بولتےہیں

شکریہ سر۔ میں نے اپنے پاس یہ تبدیلی محفوظ کر لی

 

[نورالحسن جوئیہ]

پہلے تو بہت ساری داد۔۔۔۔۔بہت خوب عمدہ
اور پھر اپنی ذاتی رائے ۔۔۔اگر دوسرا فقرہ اس طرح کردیا جائے تو زیادہ خوبصورت محسوس ہو گا۔۔بولنے پر آئے تو درو دیوار بولے۔۔
صاد رائے تو الف عین سر ہی دے سکتے ہیں۔۔

وزن

 

[نورالحسن جوئیہ]

اس طرح مصرع وزن سے نکل جائے گا۔

شکریہ