شکیب جلالی ::::: اب یہ وِیران دِن کیسے ہوگا بسر ::::: Shakeb Jalali

[طارق شاہ]

شکیب جلالی
غزل
اب یہ وِیران دِن کیسے ہوگا بسر
رات تو کٹ گئی درد کی سَیج پر

بس یہیں ختم ہے پیار کی رہگزر
دوست اگلا قدم کچھ سمجھ سوچ کر

اُس کی آوازِ پا تو بڑی بات ہے
ایک پتّہ بھی کھڑکا نہیں رات بھر

گھر میں طوفان آئے زمانہ ہُوا
اب بھی کانوں میں بجتی ہے زنجیرِ در

اپنا دامن بھی اب تو میسّر نہیں
کتنے ارزاں ہُوئے آنسوؤں کے گُہر

یہ شِکستہ قدم بھی تِرے ساتھ تھے
اے زمانے ٹھہر، اے زمانے ٹھہر

اپنے غم پر تبسّم کا پردہ نہ ڈال
دوست! ہم ہیں سوار ایک ہی ناؤ پر

شکیب جلالی ​

 

[سید لبید غزنوی]

سچ رات تو جیسے تیسے کٹ گئی دن کا کیا کریں بڑا جگرا چاہیے صدموں کو بھلانے کو۔۔۔بہت خوبصورت غزل ہے شکیب جلالی صاحب کی۔۔اور بھی غم ہیں اِک تیرے غم کے سوا۔۔دن ان میں گزار لیں گے۔۔۔روز رو ور کے تیرے لیے دعائیں کرنا معمول ہے مِرا۔۔آج بھی معمول کے مطابق تیرے ستم بھلا کر تجھے دعا دیں گے۔۔

 

[صائمہ شاہ]

عمدہ انتخاب شاہ صاحب

 

[باباجی]

ان کا ایک شعر مجھے یاد ہے کمی بیشی کی معذرت اور ہوسکے یہ مکمل کلام شیئر کیجیئے

گفتگو کیجیئے کہ یہ فطرتِ انساں ہے شکیب
جالے لگ جاتے ہیں بند ہوجائے جو مکاں

 

[طارق شاہ]

عمدہ انتخاب شاہ صاحب

بہت شکریہ اظہارِخیال پر صائمہ شاہ صاحبہ

 

[طارق شاہ]

ان کا ایک شعر مجھے یاد ہے کمی بیشی کی معذرت اور ہوسکے یہ مکمل کلام شیئر کیجیئے

گفتگو کیجیئے کہ یہ فطرتِ انساں ہے شکیب
جالے لگ جاتے ہیں بند ہوجائے جو مکاں

فراز بھائی مرے پاس، اور نیٹ ڈھونڈھنے سے بھی مطلوبہ کلام نہیں ملا
یہیں کہیں یہ شعر فاتح صاحب نے شیئر کیا تھا، ہو سکتا ہے ان کے پاس ہو
نیچے لنک دے رہا ہوں، جہاں شکیب جلالی صاحب کی غزلیں اور نظمیں اچھی خاصی تعداد میں ہیں
اور ساتھ ساتھ دوسرے شعراء کے بھی کلام ہیں ،
http://sukhansara.com/سخن-سرا-پر-خوش-آمدید/authors/شکیب-جلالی/

 

[باباجی]

فراز بھائی مرے پاس، اور نیٹ ڈھونڈھنے سے بھی مطلوبہ کلام نہیں ملا
یہیں کہیں یہ شعر فاتح صاحب نے شیئر کیا تھا، ہو سکتا ہے ان کے پاس ہو
نیچے لنک دے رہا ہوں، جہاں شکیب جلالی صاحب کی غزلیں اور نظمیں اچھی خاصی تعداد میں ہیں
اور ساتھ ساتھ دوسرے شعراء کے بھی کلام ہیں ،
http://sukhansara.com/سخن-سرا-پر-خوش-آمدید/authors/شکیب-جلالی/

بہت بہت شکریہ شاہ جی