اجل کی دھند

[عینی مروت]

‎ایک نظم ۔۔۔۔۔۔بیتے نومبر کی ایک شبِ حزین کے نام!

‎'اجل کی دھند'

‎نہ جانےکیسا ستم ہوا ہے
‎یہ کیا ہواکہ
‎شبِ زمستاں کی زمہریری فضاؤں پر۔۔

‎اک اجل گزیدہ سکوت
‎قبضہ جما رہا ہے
‎سماعتیں مجھ سے پوچھتی ہیں

‎لبِ ہوا پر یہ کس کےغم میں
‎ اداس سسکی ابھر رہی ہے؟

‎نگاہ فرش ِزمیں کو،
‎عرشِ فلک کو۔۔۔۔
‎گہرے سیہ لبادے میں
‎کتنا رنجیدہ دیکھتی ہے

‎شبِ زمستاں!
‎بتا دے
‎میری طرح سے تو نے بھی
‎کوئی غمخوار کھو دیا ہے؟؟

‎نظر یہ کہتی ہے
‎آج کہرا کفن بکف ہے
‎پیمبران ِاجل کی سنگت میں
‎اس نے بڑھ کے
‎جوان راتوں کا چاند دامن میں بھر لیا ہے!!

(‎نورعینی)

 

[احمد وصال]

بہت عمدہ

 

[سلفیورک ایسڈ]

اعلیٰ

 

[محمد خرم یاسین]

‎ایک نظم ۔۔۔۔۔۔بیتے نومبر کی ایک شبِ حزین کے نام!

‎'اجل کی دھند'

‎نہ جانےکیسا ستم ہوا ہے
‎یہ کیا ہواکہ
‎شبِ زمستاں کی زمہریری فضاؤں پر۔۔

‎اک اجل گزیدہ سکوت
‎قبضہ جما رہا ہے
‎سماعتیں مجھ سے پوچھتی ہیں

‎لبِ ہوا پر یہ کس کےغم میں
‎ اداس سسکی ابھر رہی ہے؟

‎نگاہ فرش ِزمیں کو،
‎عرشِ فلک کو۔۔۔۔
‎گہرے سیہ لبادے میں
‎کتنا رنجیدہ دیکھتی ہے

‎شبِ زمستاں!
‎بتا دے
‎میری طرح سے تو نے بھی
‎کوئی غمخوار کھو دیا ہے؟؟

‎نظر یہ کہتی ہے
‎آج کہرا کفن بکف ہے
‎پیمبران ِاجل کی سنگت میں
‎اس نے بڑھ کے
‎جوان راتوں کا چاند دامن میں بھر لیا ہے!!

(‎نورعینی)

عینی بہن بہت اچھی نظم ہے۔
‎شبِ زمستاں کی زمہریری فضاؤں پر۔۔ پڑھ کر غالب گمان گزرا کہ آپ جون ایلیا سے خوب متاثر ہیں۔ اللہ کرے زور قلم اور زیادہ

 

[عرفان سعید]

عمدہ۔

 

[عینی مروت]

بہت عمدہ

نیت نوازش محترم ۔۔۔سلامتی

 

[عینی مروت]

اعلیٰ

بہت شکریہ آپ کا

 

[عینی مروت]

عینی بہن بہت اچھی نظم ہے۔
‎شبِ زمستاں کی زمہریری فضاؤں پر۔۔ پڑھ کر غالب گمان گزرا کہ آپ جون ایلیا سے خوب متاثر ہیں۔ اللہ کرے زور قلم اور زیادہ

پسندیدگی کے لیے نوازش بےشمار
میرے لیے یہ ایک دلچسپ انکشاف ہے کیونکہ دیگر شعراء کی نسبت ان کا بہت کم کلام دیکھنے کا موقع ملا ہے

شاد و آباد رہیں

 

[عینی مروت]

عمدہ۔

بہت شکریہ جناب ۔۔سلامتی ہو

 

[محمد خرم یاسین]

پسندیدگی کے لیے نوازش بےشمار
میرے لیے یہ ایک دلچسپ انکشاف ہے کیونکہ دیگر شعراء کی نسبت ان کا بہت کم کلام دیکھنے کا موقع ملا ہے

شاد و آباد رہیں

آمین ۔ جزاک اللہ۔ میں نے جون ایلیا کو مکمل پڑھا ہے اور اس کے اسلوب کے حوالے سے ایک ریسرچ پراجیکٹ کا حصہ رہا ہوں اس لیے کچھ کچھ اندازہ ہے۔لیکن کے آغاز میں ایک طویل نظم ہے جس کا اسلوب آپ کی نظم سے ملتا ہے۔ ایلیا کی کتاب لیکن کے ص 16 پر ملاحظہ کیجیے:"دلوں میں زمہریری کپکپی ہے پر فشاں اب کے"،ص 17 پر"سماعت یخ زدہ ہیں التجائیں زمہریری ہیں"، لیکن کے ص 16 پر :زمستان کےسرود۔۔۔، اسی پر"ہیں شوقِ گرمئ آغوش کے جذبے زمستانی" اور ایسی بہت سے امثال موجود ہیں۔ اللہ کرے زور قلم اور زیادہ۔

 

[عینی مروت]

آمین ۔ جزاک اللہ۔ میں نے جون ایلیا کو مکمل پڑھا ہے اور اس کے اسلوب کے حوالے سے ایک ریسرچ پراجیکٹ کا حصہ رہا ہوں اس لیے کچھ کچھ اندازہ ہے۔لیکن کے آغاز میں ایک طویل نظم ہے جس کا اسلوب آپ کی نظم سے ملتا ہے۔ ایلیا کی کتاب لیکن کے ص 16 پر ملاحظہ کیجیے:"دلوں میں زمہریری کپکپی ہے پر فشاں اب کے"،ص 17 پر"سماعت یخ زدہ ہیں التجائیں زمہریری ہیں"، لیکن کے ص 16 پر :زمستان کےسرود۔۔۔، اسی پر"ہیں شوقِ گرمئ آغوش کے جذبے زمستانی" اور ایسی بہت سے امثال موجود ہیں۔ اللہ کرے زور قلم اور زیادہ۔

بہت شکریہ جناب ۔۔۔۔ اس نظم کے ریفرنس میں میری فکر کو آپ نے جون صاحب کی شاعری کی طرف کچھ مزید راغب کر دیا

مثالوں میں شامل کیے گئے مصرع اور انکی لفظیات بہت دلکش اور منفرد ہیں اور بقول آپ کے میری اس نظم میں شامل لفظیات کا انکے اسلوب سے قریب تر ہونا میرے جیسی نوآموز شاعرہ کے لیے بہت بڑی بات ہے

سلامتی ہو ۔۔