اخترعالم تاباں :::: باتوں میں ایک بات سمجھنے لگے ہیں لوگ -- Akhtar Aalam TabaaN

[طارق شاہ]

غزلِ
اخترعالم تاباں

باتوں میں ایک بات سمجھنے لگے ہیں لوگ
تم کو ، مِری حیات سمجھنے لگے ہیں لوگ

دل کا کوئی بھی جُرم ہو، اِس دردِ عِشق میں !
اِک حُسنِ واردات، سمجھنے لگے ہیں لوگ

کچھ احتیاط کی تو، تِری احتیاط کو !
ترکِ تعلقات سمجھنے لگے ہیں لوگ

تاباں ! تِرے بغیر شبِ ماہتاب کو
بالکل اندھیری رات سمجھنے لگے ہیں لوگ

اخترعالم تاباں
​

 

[محمداحمد]

واہ ۔۔۔۔۔۔۔۔! بہت اچھی غزل ہے۔

شکریہ