اخترعثمان -- " دل نہیں مانتا، مجبور ہیں، تب مانگتے ہیں "

[طارق شاہ]

غزل​

اخترعثمان​

​

دل نہیں مانتا، مجبور ہیں، تب مانگتے ہیں​

مسئلہ پیٹ کا ہے، شوق سے کب مانگتے ہیں​

​

کیا زمانہ تھا، کہ جب اوج پہ تھی بے طلبی​

ہم سے درویشِ خدا مست بھی، اب مانگتے ہیں​

​

جا بجا آئے نظر، پھیلتے ہاتھوں کی قطار​

شیوائے اہلِ سخاوت ہے کہ سب مانگتے ہیں​

​

سر، کہ اک بوجھ ہے دم بھر کو، اُتر جائے گا​

دستِ جلاد فقط جُنبشِ لب مانگتے ہیں​

​

حاکمِ وقت سے کہتے تھے گدایانِ جہاں​

کیا نوازیں گے بھلا، آپ بھی جب مانگتے ہیں​

​

یوں تو کِس کو ہے یہاں آئنہ بینی کا دماغ​

چند خوش ذوق ہیں، اب تک تری چھب مانگتے ہیں​

​

اختر عثمان​