ابنِ آدم
محفلین
اسلام و علیکم،
اردو کی اس خوبصورت ویب سائیٹ پہ میں پہلے بھی آچکا ہوں مگر لکھنے کا اتفاق آج ہورہا ہے (تقریب کچھ تو بہرملاقات چاہیئے) اور اس پیغام کو لکھنے کی وجہ محترم نبیل صاحب کا شکریہ ادا کرنا تھا جن کی اردو سے محبت، محنت، اردو سافٹ وئیرز میں مہارت اور سب سے زیادہ اپنے اس علم کو اردو زبان کی خدمت اور ترقی و ترویج کے لیئےعوام الناس میں پھیلانے کے بے لوث جذبے کی وجہ سےہمارے ہاں اردو وکی کا باقاعدہ اجراء ہوسکا۔
ویسے تو ہمارے پاس ویب سائیٹ http://www.UrduWiki.org پہلے سے تھی مگر مطلوبہ مہارت اورکم علمی کی وجہ سے اردو کے آن لائن وکی ویب سائٹ بنانے کا خواب بس خواب ہی رہا اور عملا اس کو پورا کرنا کم از کم ایک عرصے تک ہمارے لئے نا ممکنات میں سے رہا۔
دل کو ہمیشہ یہ خواہش رہی کہ کاش خدا کا کوئی قابل بندہ، کوئی اردو زبان کا ہونہار فرزند اردو کے اس قرض کو اتارنے کی طرف توجہ کرے اور اسطرح سے ہماری مدد بھی ہوجائے بہرکیف ہماری دعا اور خواہش پوری ہوئی اور الحمدو للہ اب اس خواب کونبیل بھائی کی کاوش کی وجہ سے شرمندہ تعبیر ہونے کی صورت ملی توبمطابق حدیث (لا یَشُکُرُ اللہ مَن لا یَشکُرُ الناَسَ ) اپنے تئیں ہم نے لازم ضروری خیال کیا کہ نبیل صاحب کا دل کی گہرائیوں سے شکریہ ادا کیا جائے کہ ویسے بھی ناقدین کی دنیا میں کبھی کمی نہیں رہی اور دیدہ ور کے لئے تو نرگس ہمیشہ سے ہی ترستی رہی ہے۔
اگراردوزبان کے الفاظ کی ھمہ گیر لطافت، دلآیز چاشنی، معانی آفرینی اورلطیف انسانی جذبات کی تصویر کشی اور عکاسی کا سلیقہ صیح طور سے انٹرنیٹ پہ آسکے تو پھر توہماری دانست میں بلا کم و کاست اردو زبان کی خوبصورتی کا مقابلہ کرنے کےطاقت شاذ ہی کسی اور زبان کو ہو۔
اور اگر ایسا کبھی مستقبل میں ہوسکاتو ہم یہ نہیں کہیں گے کہ سارے جہاں میں دھوم ہماری زباں کی ہے بلکہ اردو زبان خود بزبانِ حال پکار پکار کے کہے گی
ہوتا ہے نہاں گرد میں صحرا مرے ہوتے
گھستا ہے جبیں خاک پہ دریا مرے آگے
پھر دیکھیئے اندازگُل افشانی گُفتار
رکھ دے کوئی پیمانہ صہبا مرے آگے
خیر اندیش
ابن آدم
http://www.UrduWiki.org
اردو کی اس خوبصورت ویب سائیٹ پہ میں پہلے بھی آچکا ہوں مگر لکھنے کا اتفاق آج ہورہا ہے (تقریب کچھ تو بہرملاقات چاہیئے) اور اس پیغام کو لکھنے کی وجہ محترم نبیل صاحب کا شکریہ ادا کرنا تھا جن کی اردو سے محبت، محنت، اردو سافٹ وئیرز میں مہارت اور سب سے زیادہ اپنے اس علم کو اردو زبان کی خدمت اور ترقی و ترویج کے لیئےعوام الناس میں پھیلانے کے بے لوث جذبے کی وجہ سےہمارے ہاں اردو وکی کا باقاعدہ اجراء ہوسکا۔
ویسے تو ہمارے پاس ویب سائیٹ http://www.UrduWiki.org پہلے سے تھی مگر مطلوبہ مہارت اورکم علمی کی وجہ سے اردو کے آن لائن وکی ویب سائٹ بنانے کا خواب بس خواب ہی رہا اور عملا اس کو پورا کرنا کم از کم ایک عرصے تک ہمارے لئے نا ممکنات میں سے رہا۔
دل کو ہمیشہ یہ خواہش رہی کہ کاش خدا کا کوئی قابل بندہ، کوئی اردو زبان کا ہونہار فرزند اردو کے اس قرض کو اتارنے کی طرف توجہ کرے اور اسطرح سے ہماری مدد بھی ہوجائے بہرکیف ہماری دعا اور خواہش پوری ہوئی اور الحمدو للہ اب اس خواب کونبیل بھائی کی کاوش کی وجہ سے شرمندہ تعبیر ہونے کی صورت ملی توبمطابق حدیث (لا یَشُکُرُ اللہ مَن لا یَشکُرُ الناَسَ ) اپنے تئیں ہم نے لازم ضروری خیال کیا کہ نبیل صاحب کا دل کی گہرائیوں سے شکریہ ادا کیا جائے کہ ویسے بھی ناقدین کی دنیا میں کبھی کمی نہیں رہی اور دیدہ ور کے لئے تو نرگس ہمیشہ سے ہی ترستی رہی ہے۔
اگراردوزبان کے الفاظ کی ھمہ گیر لطافت، دلآیز چاشنی، معانی آفرینی اورلطیف انسانی جذبات کی تصویر کشی اور عکاسی کا سلیقہ صیح طور سے انٹرنیٹ پہ آسکے تو پھر توہماری دانست میں بلا کم و کاست اردو زبان کی خوبصورتی کا مقابلہ کرنے کےطاقت شاذ ہی کسی اور زبان کو ہو۔
اور اگر ایسا کبھی مستقبل میں ہوسکاتو ہم یہ نہیں کہیں گے کہ سارے جہاں میں دھوم ہماری زباں کی ہے بلکہ اردو زبان خود بزبانِ حال پکار پکار کے کہے گی
ہوتا ہے نہاں گرد میں صحرا مرے ہوتے
گھستا ہے جبیں خاک پہ دریا مرے آگے
پھر دیکھیئے اندازگُل افشانی گُفتار
رکھ دے کوئی پیمانہ صہبا مرے آگے
خیر اندیش
ابن آدم
http://www.UrduWiki.org
) اور کچھ کو دعوت دینی ہوگی تو امید ہے کہ رفتہ رفتہ کچھ نہ کچھ منظم اپنی مددآپ کے تحت اردو وکی کو آگے بڑھانے کا سلسلہ چل نکلے گاپہلا بنیادی کام تو اردو وکی ویب سائیٹ کا اجراء تھا جو الحمدو للہ آپ کی کرم فرمائی سے بآسانی ہوگیا باقی فی الحال ابھی ایک بالکل نئی ویب سائیٹ ہونے کی حیثیت سے ابھی کچھ ٹائم تولگے گا۔
