اردو ہماری ہے

[شاکرالقادری]

تاج نستعلیق سے لکھا گیا مصحفی کا ایک شعر

 

[عبدالمجید]

ماشاءاللہ کیا خوبصورت نمونہ ہے۔ اللہ آپکو ہمت دے ہماری دعائیں آپکے ساتھ ہے شاکر بھائی
والسلام

 

[شمزا]

قبلہ قادری صاحب الفاظ ہی نہیں کہ تعریف کی جاسکے

ندا فاضلی کے یہ اشعار شاید اسی موقع کے لیے ہیں

بھیجتے ہو کبھی گل کو تو کبھی شبنم کو
تم کہاں کیسے ہو معلوم ہے ہر موسم کو

مدتیں بیت گئیں تم نہیں آئے اب تک
راستہ اور دکھاؤ گے نہ جانے کب تک

 

[شاکرالقادری]

قبلہ قادری صاحب الفاظ ہی نہیں کہ تعریف کی جاسکے

ندا فاضلی کے یہ اشعار شاید اسی موقع کے لیے ہیں

بھیجتے ہو کبھی گل کو تو کبھی شبنم کو
تم کہاں کیسے ہو معلوم ہے ہر موسم کو

مدتیں بیت گئیں تم نہیں آئے اب تک
راستہ اور دکھاؤ گے نہ جانے کب تک

شمزا ۔ ۔ ۔ ۔ آپ کی محبتوں کا بہت شکریہ
آپ تو نستعلیق کی ترسیمہ سازی کے عمل سے واقف ہیں کتنی محنت کرنا پڑتی ہے ایک ایک لفظ پر
اور حالت یہ ہے کہ:

ہم دھری اذیت کے گرفتار مسافر
ہیں پائوں بھی شل ذوق سفر بھی نہیں جاتا


عبدالمجید بھائی دعائوں کے لیے شکر گزار ہوں


الف عین, سخنور, فاتح, محمد وارث, محمدصابر, نبیل

آپ لوگوں نے شکریہ کا بٹن پریس کر کے گویا میری بیٹری کو چارج کر دیا ہے
آپ کا شکریہ ادا نہ کرنا بھی نا انصافی ہوگی

 

[شمزا]

ہم دھری اذیت کے گرفتار مسافر
ہیں پائوں بھی شل ذوق سفر بھی نہیں جاتا

خط ان کا بہت خوب عبارت بہت اچھی
اللہ کرے حسنِ رقم اور زیادہ

 

[شاکرالقادری]

خط ان کا بہت خوب عبارت بہت اچھی
اللہ کرے حسنِ رقم اور زیادہ

مجھ میں کوئی خوبی نہیں، واللہ نہیں ہے
یہ تیری عنایت ہے ، ترا حسنِ نظر ہے

 

[شمزا]

مجھ میں کوئی خوبی نہیں، واللہ نہیں ہے
یہ تیری عنایت ہے ، ترا حسنِ نظر ہے

سودا جو تیرا حال ہے ایسا تو نہیں وہ
نہ جانیے تو نے اسے کس حال میں دیکھا

حضور اب آپ کے ذوق کی داد نہ دینا بھی کم ظرفی میں شمار ہو گا
لیکن قبلہ آپ کا تو کچھ نہیں جائے گا مگر ہمیں ضرور غیر متعلقہ گفتگو کے جرم میں کوچہ محفل سے نکلوائیں گے ۔ نکلنا خلد سے۔۔۔

 

[فرحان دانش]

بہت اعلی

کرتب دکھا رہا ہو جیسے ہر کوئی کہیں
دکھتی ہے دنیا یہ سرکس سی کئی بار

 

[شاکرالقادری]

سودا جو تیرا حال ہے ایسا تو نہیں وہ
نہ جانیے تو نے اسے کس حال میں دیکھا

حضور اب آپ کے ذوق کی داد نہ دینا بھی کم ظرفی میں شمار ہو گا
لیکن قبلہ آپ کا تو کچھ نہیں جائے گا مگر ہمیں ضرور غیر متعلقہ گفتگو کے جرم میں کوچہ محفل سے نکلوائیں گے ۔ نکلنا خلد سے۔۔۔

نہیں صاحب! ایسی بھی بات نہیں، یاران محفل بڑے باذوق ہیں وہ یقینامحظوظ ہو رہے ہونگے ۔ جس بات کی طرف آپ نے اشارہ فرمایا وہ وہ محص مخصوص حالات اور تناظر میں ہوتا ہے
بوئے گل ، رنگ سخن، ذوق فراوانِ دل
جو بھی آیا تری محفل میں ، جواں تر نکلا

 

[الف نظامی]

بہت عمدہ !!!

 

[شمزا]

نہیں صاحب! ایسی بھی بات نہیں، یاران محفل بڑے باذوق ہیں وہ یقینامحظوظ ہو رہے ہونگے ۔ جس بات کی طرف آپ نے اشارہ فرمایا وہ وہ محص مخصوص حالات اور تناظر میں ہوتا ہے
بوئے گل ، رنگ سخن، ذوق فراوانِ دل
جو بھی آیا تری محفل میں ، جواں تر نکلا

آپ نے آنے والوں کا نقشہ خوب کھینچا لیکن میرا اشارہ نکالے جانے والوں کی طرف تھا
بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا

لہذا عافیت اسی میں لگتی ہے کہ آپ کے بہکاوے میں نہ آیا جاوے
بلاتے ہیں مجھ کو وہ اس انجمن میں مگر میں نہیں ہوں وہاں جانے والا
کہ پہلے بلایا ، بلا کر بٹھایا ، بٹھا کر اٹھایا ، اٹھا کر نکالا

 

[شاکرالقادری]

بوئے گل ، رنگ سخن، ذوق فراوانِی دل
جو بھی آیا تری محفل میں ، جواں تر نکلا

جناب غور تو کیجئے یہاں آنے والوں اور نکالے جانے والے دونوں کا تذکرہ ہے