محمد مبین امجد
محفلین
اسے چھوڑ دو۔۔۔۔
کیا یار استاد پاگل ہو گیا ہے۔۔۔؟؟
نئیں میں نے کہا، میں پاگل نہیں ہوں ۔۔۔ اور اگر مجھے استاد مانتے ہو تو اسے چھوڑ دو۔۔۔
استاد یہ بڑے کام کا دانہ ہاتھ لگا ہے ۔۔۔ اور اس سے ہمارے کئی دنوں کا رزق حاصل ہو جائے گا۔۔۔۔۔!ً
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
میں کون تھا؟ کیا تھا ؟ میں نہیں جانتا۔۔۔ ہاں مگر جب میں نے شعور کی آنکھ کھولی تو خود کو ایک موٹر مکینک کے ہاں پایا۔۔۔
وہ میرا باپ نہیں تھا ، جیسا کہ مجھے بعد میں پتہ چلا۔۔ ہاں ایک باپ کی طرح میرا خیال رکھتا ۔۔۔
میں دیکھتا تھا کہ میری عمر کے بچے اس کی ورکشاپ پہ کام کرتے جبکہ میں اس کے گھر عیش کرتا۔۔۔!
شاید قسمت مجھ پہ مہربان تھی ۔۔۔ یا شاید استاد مجھ پہ مہربان تھا۔۔۔ سب لوگ اسے استاد ہی کہا کرتے تھے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ابھی لڑکپن میں ہی تھا کہ استاد اس دنیا سے چل بسا۔۔ اور اس کے بھائی اس ورکشاپ کے مالک بن گئے۔
انہوں نے جب مجھے بھی ورکشاپ پہ کام کرنے کا کہا تو ۔۔۔۔۔
تو میں وہاں سے ۔۔۔ اس چھوٹے سے شہر سے بھاگ آیا۔۔۔۔ اور لاہور آگیا۔
پلے ایک ڈھیلا نہ تھا۔۔۔ اجنبی شہر۔۔۔ معصوم لڑکپن۔۔۔ جاؤں تو کہاں جاؤں۔۔۔؟؟ کچھ سمجھ نہیں آتا تھا۔ خیر پہلا دن تو فاقے میں گذرا۔۔ پھر کسی نے داتا صاحب کے مزار کا بتا دیا۔۔
اور یوں میرے شب وروز وہاں گزرنے لگے۔ تین وقت کا کھانا مل جاتا سونے کو جگہ مل جاتی اور کیا چاہیے تھا۔۔۔؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ایک دن جانے دل میں کیا سمائی سوچا۔۔؟ میں سوچا کچھ کمائی بھی کرنی چاہیے۔ یہ نہ ہو کہ کسی دن کوئی اس مزار سے بھی چلتا کر دے۔ اور۔۔۔۔۔۔۔۔۔۔۔۔۔۔۔
اور اس دن میں مزار سے نکل آیا۔۔۔ ایک بار پھر منزل لاپتہ ہو گئی۔۔!
سارا دن مزدوری کی تلاش میں سرگرداں رہا۔۔۔ مگر شاید غریب کو یہاں کوئی مزدوری نہیں دیتا۔۔۔ ہاں مگر اسے بھیک اور خیرات دے کر اپنی عاقبت سنوارنے کی کوشش ضرور کی جاتی ہے۔۔۔!
خیر دن ایسے ہی گذر گیا۔۔ مگر میری غیرت نے گوارا نا کیا کہ میں پھر مزار پہ چلا جاؤں۔۔۔ سو اس رات بھوکے پیٹ ہی ایک پارک کی بنچ پہ سوگیا۔۔۔
رات کا سویا صبح کسی کے جگانے پہ اٹھا اور ۔۔۔۔۔
اور ایک سپاہی کو اپنے سامنے پا کر پریشان ہو گیا۔
مگر کچھ پولیس والے بھی نیک دل ہوتے ہیں اس نے مجھےناشتے کے پیسے دیے اور کہا کہ شام کو اس سے ملوں۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
مگر وہ شام کبھی نہیں آئی۔۔۔۔۔ کیونکہ۔۔۔۔۔۔۔۔۔۔۔
کیونکہ اس دن دوپہر کو میں نے ایک سیٹھ کی جیب کاٹنے کی کوشش کی مگر ۔۔۔
مگر میرے ہاتھ کچھ نہ آیا ہاں مگر اس کے ہاتھ میں میرا ہاتھ آگیا۔
اور یوں ۔۔ قسمت ایک بار پھر مجھ پہ مہربان ہو گئی۔ کیونکہ وہ جسے میں سیٹھ سمجھا تھا وہ خود ۔۔۔ پولیس کو کئی مقدموں میں مطلوب تھا۔۔ اور یہ بات مجھے بعد میں پتہ چلی۔ جب وہ مجھے اپنے گھر یا ڈیرے پہ لے کر گیا۔۔۔ اور اس نے اپنے ایک ساتھی کو کہا کہ یہ لڑکا لے کر آیا ہوں یہ مجھے تین ہفتوں میں مکمل ٹرینڈ ہوا ملنا چاہیے اور اس کو میرا بیٹا ہی سمجھو۔۔۔۔ اس کو کسی قسم کی کوئی تکلیف نہیں ہونی چاہیے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اور یوں میں چند ہی ہفتوں میں مکمل شکاری بن چکا تھا۔۔۔۔ میں نے اس گروہ کے ساتھ مل کر بینک لوٹے ۔۔۔ کئی لوگوں کو زدوکوب کیا۔۔۔اور ہماراخاص شعبہ اغوا برائے تاوان تھا۔ اس کے علاوہ سٹریٹ کرائم میں حصہ لیا۔۔ اور دنوں میں ہی میں امیر ہو گیا۔
استاد مجھ سے بہت شفقت سے پیش آتا۔۔۔ اسی وجہ سے باقی سب بھی مجھ سے دبتے تھے کہ میں استاد کا چہیتا تھا۔۔!
اور ۔۔۔۔۔
اور پھر استاد مر گیا۔۔۔۔ اور میں اپنے گینگ کا استاد بن گیا۔۔۔۔۔۔۔۔۔۔۔۔۔
وقت گذرتا گیا اور ہمارا گینگ ترقی کرتا گیا۔۔!
میں نے ایک لڑکی سے شادی کر لی۔۔۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
کچھ وقت گذرا تو میرے آنگن میں ایک پھول کی چہکار گونجنے لگی۔ اور میں نے اپنی فیملی کو اپنے آبائی شہر بہاولپور میں ہی شفٹ کر دیا۔۔۔ کہ وہاں وہ محفوظ تھی۔
ان کو نئیں پتہ تھا کہ میرا کاروبار کیا ہے۔۔ بس میری اچھی کمائی کی وجہ سے میرا بیٹا ایک اچھے سکول میں پڑھنے لگا اور ۔۔۔۔ میری فیملی کا شمار بھی ایلیٹ کلاس میں ہونے لگا۔ اور۔۔۔۔۔۔۔
اور ہم جو ایلیٹ کلاس کے ساتھ کرتے تھے اسی واردات کا شکار میرا بیٹا بھی ہو گیا۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
پورا ہفتہ گذر چکا تھا کہ اس کا کوئی اتہ پتہ نہیں تھا اور اغواء کاروں نے کوئی رابطہ بھی نہیں کیا تھا۔۔!
ہائے اللہ میں جاؤں تو کہاں جاؤں۔۔۔ کروں تو کیا کروں؟؟
میرا لعل کہاں گم ہو گیا تھا۔۔۔۔!
میں سب کچھ چھوڑ چھاڑ کر اپنے گھر تھا ۔۔۔ اپنی بیوی کی دلجوئی میں مصروف تھا۔ ایک گھڑی چین نہیں تھا ۔۔۔ اور میں نے کبھی خود کو اتنا بے بس نہ سمجھا تھا جتنا ن دنوں تھا۔۔۔۔!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اگر چہ میں نے آتے ہوئے اپنے ساتھیوں کو کسی بھی واردات سے منع کر دیا تھا ۔۔۔۔ مگر اپنی ٹریجڈی کا نا کو نہیں بتایا تھا۔۔۔ اور بتاتا بھی تو کیسے۔۔۔ اور کیا ؟؟
مگر ان کو لہو کی چاٹ لگ چکی تھی اور وہ کتنے دن انتظار کر سکتے تھے۔۔۔! اور شاید ان کے پاس پیسے بھی ختم ہو چکے تھے۔۔۔!
٭٭٭٭٭٭٭٭٭٭٭٭٭٭٭٭٭٭٭
سو انہوں نے آٹھویں دن کاروائی ڈال دی تھی۔۔۔ اور اب مجھے فون پہ اپنی کار گذاری کی تفصیل بتا رہے تھے۔۔۔۔
مگر میں ایک غمزدہ باپ ۔۔۔ ان کو کیا کہہ سکتا تھا سوائے اس کے کہ اسے چھوڑ دو۔۔۔!
مگر میرا یہ فیصلہ شاید ان کو پاگل پن لگ رہا تھا۔۔۔
اگر لگ رہا تھا تو میں کیا کر سکتا تھا۔۔؟؟
ہاں میں کیا کر سکتا تھا۔۔؟؟
شاید کچھ بھی نہیں۔۔۔۔ اور شاید وہ بھی کچھ نہیں کر سکتے تھے کہ وہ اس دکھ کو جان ہی نہیں سکتے تھے جو ہم لوگوں کو دیا کرتے تھے۔۔۔۔!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ہاں مگر میں تو یہی کہہ سکتا تھا نا کہ اسے چھوڑ دو۔۔۔
اب آپ ہی بتاؤ کیا میں ان کو غلط کہتا تھا۔۔۔؟
میرا سوال تو آپ سے ہے ۔۔۔ جن کو میں نے دکھ دیئے تھے ۔
کیا یار استاد پاگل ہو گیا ہے۔۔۔؟؟
نئیں میں نے کہا، میں پاگل نہیں ہوں ۔۔۔ اور اگر مجھے استاد مانتے ہو تو اسے چھوڑ دو۔۔۔
استاد یہ بڑے کام کا دانہ ہاتھ لگا ہے ۔۔۔ اور اس سے ہمارے کئی دنوں کا رزق حاصل ہو جائے گا۔۔۔۔۔!ً
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
میں کون تھا؟ کیا تھا ؟ میں نہیں جانتا۔۔۔ ہاں مگر جب میں نے شعور کی آنکھ کھولی تو خود کو ایک موٹر مکینک کے ہاں پایا۔۔۔
وہ میرا باپ نہیں تھا ، جیسا کہ مجھے بعد میں پتہ چلا۔۔ ہاں ایک باپ کی طرح میرا خیال رکھتا ۔۔۔
میں دیکھتا تھا کہ میری عمر کے بچے اس کی ورکشاپ پہ کام کرتے جبکہ میں اس کے گھر عیش کرتا۔۔۔!
شاید قسمت مجھ پہ مہربان تھی ۔۔۔ یا شاید استاد مجھ پہ مہربان تھا۔۔۔ سب لوگ اسے استاد ہی کہا کرتے تھے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ابھی لڑکپن میں ہی تھا کہ استاد اس دنیا سے چل بسا۔۔ اور اس کے بھائی اس ورکشاپ کے مالک بن گئے۔
انہوں نے جب مجھے بھی ورکشاپ پہ کام کرنے کا کہا تو ۔۔۔۔۔
تو میں وہاں سے ۔۔۔ اس چھوٹے سے شہر سے بھاگ آیا۔۔۔۔ اور لاہور آگیا۔
پلے ایک ڈھیلا نہ تھا۔۔۔ اجنبی شہر۔۔۔ معصوم لڑکپن۔۔۔ جاؤں تو کہاں جاؤں۔۔۔؟؟ کچھ سمجھ نہیں آتا تھا۔ خیر پہلا دن تو فاقے میں گذرا۔۔ پھر کسی نے داتا صاحب کے مزار کا بتا دیا۔۔
اور یوں میرے شب وروز وہاں گزرنے لگے۔ تین وقت کا کھانا مل جاتا سونے کو جگہ مل جاتی اور کیا چاہیے تھا۔۔۔؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ایک دن جانے دل میں کیا سمائی سوچا۔۔؟ میں سوچا کچھ کمائی بھی کرنی چاہیے۔ یہ نہ ہو کہ کسی دن کوئی اس مزار سے بھی چلتا کر دے۔ اور۔۔۔۔۔۔۔۔۔۔۔۔۔۔۔
اور اس دن میں مزار سے نکل آیا۔۔۔ ایک بار پھر منزل لاپتہ ہو گئی۔۔!
سارا دن مزدوری کی تلاش میں سرگرداں رہا۔۔۔ مگر شاید غریب کو یہاں کوئی مزدوری نہیں دیتا۔۔۔ ہاں مگر اسے بھیک اور خیرات دے کر اپنی عاقبت سنوارنے کی کوشش ضرور کی جاتی ہے۔۔۔!
خیر دن ایسے ہی گذر گیا۔۔ مگر میری غیرت نے گوارا نا کیا کہ میں پھر مزار پہ چلا جاؤں۔۔۔ سو اس رات بھوکے پیٹ ہی ایک پارک کی بنچ پہ سوگیا۔۔۔
رات کا سویا صبح کسی کے جگانے پہ اٹھا اور ۔۔۔۔۔
اور ایک سپاہی کو اپنے سامنے پا کر پریشان ہو گیا۔
مگر کچھ پولیس والے بھی نیک دل ہوتے ہیں اس نے مجھےناشتے کے پیسے دیے اور کہا کہ شام کو اس سے ملوں۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
مگر وہ شام کبھی نہیں آئی۔۔۔۔۔ کیونکہ۔۔۔۔۔۔۔۔۔۔۔
کیونکہ اس دن دوپہر کو میں نے ایک سیٹھ کی جیب کاٹنے کی کوشش کی مگر ۔۔۔
مگر میرے ہاتھ کچھ نہ آیا ہاں مگر اس کے ہاتھ میں میرا ہاتھ آگیا۔
اور یوں ۔۔ قسمت ایک بار پھر مجھ پہ مہربان ہو گئی۔ کیونکہ وہ جسے میں سیٹھ سمجھا تھا وہ خود ۔۔۔ پولیس کو کئی مقدموں میں مطلوب تھا۔۔ اور یہ بات مجھے بعد میں پتہ چلی۔ جب وہ مجھے اپنے گھر یا ڈیرے پہ لے کر گیا۔۔۔ اور اس نے اپنے ایک ساتھی کو کہا کہ یہ لڑکا لے کر آیا ہوں یہ مجھے تین ہفتوں میں مکمل ٹرینڈ ہوا ملنا چاہیے اور اس کو میرا بیٹا ہی سمجھو۔۔۔۔ اس کو کسی قسم کی کوئی تکلیف نہیں ہونی چاہیے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اور یوں میں چند ہی ہفتوں میں مکمل شکاری بن چکا تھا۔۔۔۔ میں نے اس گروہ کے ساتھ مل کر بینک لوٹے ۔۔۔ کئی لوگوں کو زدوکوب کیا۔۔۔اور ہماراخاص شعبہ اغوا برائے تاوان تھا۔ اس کے علاوہ سٹریٹ کرائم میں حصہ لیا۔۔ اور دنوں میں ہی میں امیر ہو گیا۔
استاد مجھ سے بہت شفقت سے پیش آتا۔۔۔ اسی وجہ سے باقی سب بھی مجھ سے دبتے تھے کہ میں استاد کا چہیتا تھا۔۔!
اور ۔۔۔۔۔
اور پھر استاد مر گیا۔۔۔۔ اور میں اپنے گینگ کا استاد بن گیا۔۔۔۔۔۔۔۔۔۔۔۔۔
وقت گذرتا گیا اور ہمارا گینگ ترقی کرتا گیا۔۔!
میں نے ایک لڑکی سے شادی کر لی۔۔۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
کچھ وقت گذرا تو میرے آنگن میں ایک پھول کی چہکار گونجنے لگی۔ اور میں نے اپنی فیملی کو اپنے آبائی شہر بہاولپور میں ہی شفٹ کر دیا۔۔۔ کہ وہاں وہ محفوظ تھی۔
ان کو نئیں پتہ تھا کہ میرا کاروبار کیا ہے۔۔ بس میری اچھی کمائی کی وجہ سے میرا بیٹا ایک اچھے سکول میں پڑھنے لگا اور ۔۔۔۔ میری فیملی کا شمار بھی ایلیٹ کلاس میں ہونے لگا۔ اور۔۔۔۔۔۔۔
اور ہم جو ایلیٹ کلاس کے ساتھ کرتے تھے اسی واردات کا شکار میرا بیٹا بھی ہو گیا۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
پورا ہفتہ گذر چکا تھا کہ اس کا کوئی اتہ پتہ نہیں تھا اور اغواء کاروں نے کوئی رابطہ بھی نہیں کیا تھا۔۔!
ہائے اللہ میں جاؤں تو کہاں جاؤں۔۔۔ کروں تو کیا کروں؟؟
میرا لعل کہاں گم ہو گیا تھا۔۔۔۔!
میں سب کچھ چھوڑ چھاڑ کر اپنے گھر تھا ۔۔۔ اپنی بیوی کی دلجوئی میں مصروف تھا۔ ایک گھڑی چین نہیں تھا ۔۔۔ اور میں نے کبھی خود کو اتنا بے بس نہ سمجھا تھا جتنا ن دنوں تھا۔۔۔۔!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اگر چہ میں نے آتے ہوئے اپنے ساتھیوں کو کسی بھی واردات سے منع کر دیا تھا ۔۔۔۔ مگر اپنی ٹریجڈی کا نا کو نہیں بتایا تھا۔۔۔ اور بتاتا بھی تو کیسے۔۔۔ اور کیا ؟؟
مگر ان کو لہو کی چاٹ لگ چکی تھی اور وہ کتنے دن انتظار کر سکتے تھے۔۔۔! اور شاید ان کے پاس پیسے بھی ختم ہو چکے تھے۔۔۔!
٭٭٭٭٭٭٭٭٭٭٭٭٭٭٭٭٭٭٭
سو انہوں نے آٹھویں دن کاروائی ڈال دی تھی۔۔۔ اور اب مجھے فون پہ اپنی کار گذاری کی تفصیل بتا رہے تھے۔۔۔۔
مگر میں ایک غمزدہ باپ ۔۔۔ ان کو کیا کہہ سکتا تھا سوائے اس کے کہ اسے چھوڑ دو۔۔۔!
مگر میرا یہ فیصلہ شاید ان کو پاگل پن لگ رہا تھا۔۔۔
اگر لگ رہا تھا تو میں کیا کر سکتا تھا۔۔؟؟
ہاں میں کیا کر سکتا تھا۔۔؟؟
شاید کچھ بھی نہیں۔۔۔۔ اور شاید وہ بھی کچھ نہیں کر سکتے تھے کہ وہ اس دکھ کو جان ہی نہیں سکتے تھے جو ہم لوگوں کو دیا کرتے تھے۔۔۔۔!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ہاں مگر میں تو یہی کہہ سکتا تھا نا کہ اسے چھوڑ دو۔۔۔
اب آپ ہی بتاؤ کیا میں ان کو غلط کہتا تھا۔۔۔؟
میرا سوال تو آپ سے ہے ۔۔۔ جن کو میں نے دکھ دیئے تھے ۔
