اسے کہنا دسمبر آ گیا ہے

[فرخ منظور]

نہیں ہے گیس کا نام و نشاں بھی
مرے گھر میں سیلنڈر آ گیا ہے
اسے کہنا دسمبر آ گیا ہے
(شاعر: نامعلوم)​

 

[جاسمن]

ہاہاہاہا۔
خوب!

 

[اکمل زیدی]

اس شاعر کو راحیل صاحب کی غزل دیکھا دیں دسمبر کی ایسی کی تیسی ۔ ۔ ۔

 

[احسن محی الدین]

نہیں ہے گیس کا نام و نشاں بھی
مرے گھر میں سیلنڈر آ گیا ہے
اسے کہنا دسمبر آ گیا ہے
(شاعر: نامعلوم)​

اس کا نام، پتہ بھی بتا دیں

 

[فرخ منظور]

اس کا نام، پتہ بھی بتا دیں

کوئی بتلائے کہ ہم بتلائیں کیا؟

 

[نایاب]

واہہہہہہ
کسی ستم ظریف نے کیا سچ باندھا ہے ۔۔
بہت دعائیں

 

[ہادیہ]

اور جو ہمارے جیسے لکڑیوں پر پانی گرم کرتے ہیں؟ اور بھی بہت سے کام سردیوں میں۔۔ وہ کیا کریں؟

 

[فرخ منظور]

اور جو ہمارے جیسے لکڑیوں پر پانی گرم کرتے ہیں؟ اور بھی بہت سے کام سردیوں میں۔۔ وہ کیا کریں؟

دوسروں سے ہمدردیاں سمیٹیں

 

[احسن محی الدین]

کوئی بتلائے کہ ہم بتلائیں کیا؟

آپ "اس" کا نام پتہ بتلائیں

 

[محمد تابش صدیقی]

مرا بوسیدہ گیزر ٹھیک کرنے
مرے گھر میں پلمبر آ گیا ہے
اسے کہنا دسمبر آ گیا ہے

 

[احسن محی الدین]

شعراء حضرات "اسے کہنا" تو کہہ دیتے ہیں لیکن یہ نہیں بتاتے کہ کس کو کہنا ہے؟ اگر "اس" کا نام، پتہ بھی ساتھ ہی بتا دیا کریں تو آسانی رہے گی

 

[نکتہ ور]

مرا بوسیدہ گیزر ٹھیک کرنے
مرے گھر میں پلمبر آ گیا ہے
اسے کہنا دسمبر آ گیا ہے

ہر سال آتے ہیں آپ کے گھر؟
دونوں
پلمبر اور دسمبر؟

 

[محمد تابش صدیقی]

ہر سال آتے ہیں آپ کے گھر؟
دونوں
پلمبر اور دسمبر؟

جہاں لوگ بستے ہیں، وہاں پلمبروں کی ضرورت سارا سال ہی کسی نہ کسی عنوان سے رہتی ہے۔

 

[شمشاد]

یہ تو پوری ایک غزل ہے۔ میں کوشش کرتا ہوں کہ مل جائے جو کسی شاعر نے کہی تھی : اسے کہنا کہ پلمبر آ گیا ہے

 

[عمار نقوی]

عرش صدیقی

اسے کہنا دسمبر آ گیا ہے

دسمبر کے گزرتے ہی برس اک اور ماضی کی گپھا میں ڈوب جائے گا

اسے کہنا دسمبر لوٹ آئے گا

مگر جو خون سو جائے گا جسموں میں نہ جائے گا

اسے کہنا ہوائیں سرد ہیں اور زندگی کے کہرے دیواروں میں لرزاں ہیں

اسے کہنا شگوفے ٹہنیوں میں سو رہے ہیں

اور ان پر برف کی چادر بچھی ہے

اسے کہنا اگر سورج نہ نکلے گا

تو کیسے برف پگھلے گی

اسے کہنا کہ لوٹ آئے