اس نے پر کاٹ کر بابِ قفس کھول دیا

[محب علوی]

اس نے پر کاٹ کر جب بابِ قفس کھول دیا
یاد بہت مجھے اڑنے کے زمانے آئے​

آج مجھے میری ایک کولیگ جو کہ اب مایئکروسافٹ میں جا چکی ہیں یہ بتایا کہ وہ ووٹ نہیں ڈال سکی کیونکہ کہ ووٹ کی آپشن نہیں آرہی اب۔ میں نے جا کر دیکھا تو تھریڈ مقفل تھی ۔ پہلے تو مجھے یقین نہیں آیا مجھے انتہائی حیرت ہوئی اور پھر جب یقیین آیا تو یہ حیرت دکھ میں بدل گئی کہ میں کیا ہوں اس فورم پر، کچھ بھی نہیں۔ کسی نے مجھے بتانے کی زحمت بھی گوارہ نہیں کی اور اتنا بھی انتظار نہیں کیا کہ میں آجاؤ اور اپنا موقف بیان کر لوں۔ اگر پوسٹس مقفل ہی کرنی ہیں تو پھر کیا فائدہ پوسٹس کرنے کا،پھر تو چپ چاپ بیٹھ کر پوسٹس دیکھنی ہی چاہئے کہ جانے کس وقت کونسی پوسٹ مقفل ہو جائے۔
مجھ پر اس پوسٹ میں حد سے زیادہ تنقید کی گئی، دھاندلی اور بیوقوفی تک کے الزام لگائے گئے مگر میں نے کسی پر غصہ کا اظہار نہیں کیا بلکہ تحمل سے سب کا جواب دیا اور اسے مزاح کے رنگ میں ہی لیا۔ کیا ہم میں برداشت کا مادہ اتنا ہی کم ہو گیا ہے کہ کسی بھی بات پر تصدیق کئے بغیر رائے قائم کر لیں۔
میں اس پوسٹ پر بہت محنت کی تھی اور اس کی وجہ سے 8 ممبران بھی بنائے تھے فورم پر بلکہ یہاں کھینچ کر لانے میں ایک مددگار پوسٹ تھی۔ مسلسل بحث و تمحیص کے بعد کئی لوگ ممبر بنے تھے اور میں نے رجسٹریشن سے لے کر اردو لکھنے تک میں ان کی مدد کی تھی جس میں کئی گھنٹی صرف ہوئے تھے۔ سب میں اس فرضی الیکشن سے ایک دلچسپ گفتگو کا سلسلہ جاری کر رکھا تھا۔ اب کئی لوگ مجھ سے پوچھ چکے ہیں کہ کیا بنا الیکشن کا میں کیا بتاؤں کہ تھریڈ مقفل ہے اور میں اتنی تعریفیں کرتا رہا ہوں فورم کی اور ممبران کے حسنِ سلوک کی۔ اس سلوک کے بعد کیا میں اتنے یقین سے یہ کہہ سکوں گا جب کہ میں خود حسنِ سلوک کا شکار ہو گیا ہوں۔

 

[جیسبادی]

اگر میں غلطی نہیں کھا رہا تو phpbb میں ووٹنگ بناتے وقت آپ یہ شرط رکھ سکتے ہو کہ ووٹنگ کتنے دن چلنی ہے، اس کے بعد وہ خود ہی مفقل ہو جاتی ہے۔
اب مجھ معلوم نہیں آپ کس پولنگ دھاگے کی بات کر رہے ہو، اس لیے وثوق سے کچھ نہیں کہہ سکتا۔

 

[زیک]

محب آپ اس تھریڈ کی بات کر رہے ہیں؟

مجھے امید ہے کہ جس ناظم نے بھی قفل لگایا ہے وہ اس کی وجہ بیان کرے گا۔

جیسبادی آپ کی بات کچھ حد تک درست ہے مگر میرے علم کے مطابق اس طرح ووٹنگ ختم ہو جاتی ہے موضوع کو قفل نہیں لگتا۔

 

[الف نظامی]

اڑنے نہ پائے تھے کہ گرفتار ہم ہوئے

 

[محب علوی]

محب آپ اس تھریڈ کی بات کر رہے ہیں؟

مجھے امید ہے کہ جس ناظم نے بھی قفل لگایا ہے وہ اس کی وجہ بیان کرے گا۔

جیسبادی آپ کی بات کچھ حد تک درست ہے مگر میرے علم کے مطابق اس طرح ووٹنگ ختم ہو جاتی ہے موضوع کو قفل نہیں لگتا۔

بالکل زکریا میں اسی تھریڈ کی بات کر رہا ہوں۔ قفل لگنے پر مجھے اعتراض نہیں مگر میں اپنا موقف بیان نہیں کر سکا اس کا افسوس ہے مجھے۔ کچھ لوگوں کی پوسٹس کے جواب دینے تھے مجھے اس کے بعد بے شک مقفل کر دیا جاتا۔ دوسرا ناظمین کا کام کیا صرف قفل لگانا ہی ہے یا بحث کو اعتدال میں لانا بھی ہے ان کے فرائض میں۔ میری رائے میں قفل لگانے سے پیشتر مبحثین سے تحمل کی گزارش کر لینا زیادہ صائب ہے ورنہ تو بحث کا مقصد ہی فوت ہو جاتا ہے اگر گفتگو نہ ہو گی تو حاصل کیا کسی بحث کے شروع کرنے کا۔ سیفی اور افتخار صاحب ناظم ہیں اس زمرے میں اور وہی اس معاملہ میں زیادہ بہتر رائے دے سکتے ہیں۔

 

[الف نظامی]

ویسے قفل کس بات پر لگایا گیا ہے؟

 

[محب علوی]

ذرا سی بات تھی اندیشہ عجم نے اسے
بڑھا دیا ہے فقط زیبِ داستاں کے لئے

 

[نبیل]

السلام علیکم دوستو۔ میں ہی قصوروار ہوں اس کا۔ میں نے ماوراء کی پوسٹ‌ دیکھی تھی جس میں انہوں نے پوسٹ‌ کو مقفل کرنے کے بارے میں کہا تھا۔ میں نے ان سے ذاتی پیغام میں اس کے بارے میں دریافت کیا تو واقعی ان کی یہی مرضی تھی۔ میں نے اس معاملے میں جلدبازی کا مظاہرہ کیا ہے۔ مجھے محب علوی کی دلآزاری ہونے پر افسوس ہے۔ مجھے اپنے دفاع میں کچھ نہیں کہنا۔ جہاں تک الزامات کا تعلق ہے تو وہ بھی کسی نے سنجیدگی سے نہیں لگائے تھے۔ مجھے اس بات کا بھی خیال نہیں رہا تھا کہ اس فورم کے ناظم موجود ہیں اور وہ خود یہاں کے معاملات سنبھال سکتے ہیں۔ اچھا دوستو میں اس فورم سے اب دور ہی رہوں گا۔ خدا حافظ۔

 

[محب علوی]

صحیح کہہ رہے ہیں آپ نبیل، میرے کہنے کا بھی یہی مطلب تھا کہ مزاح کو مزاح کے رنگ میں ہی لینا چاہیے اور اگر کسی بات پر کوئی اعتراض ہو تو وہ بھی وہیں دور ہو سکتی ہے آخر ہم سب اتنے ذی شعور تو ہیں کہ دوسرے شخص کی بات سن سکیں۔ خیر آیئندہ کے لئے کم سے کم کسی تھریڈ کو ہنگامی بنیادوں پر مقفل نہ کیا جائے بلکہ اگر کوئی پوسٹ ناگوار گزرے تو اسے تھریڈ میں سے نکال دیا جائے۔ جب کسی موضوع پر آپ مسلسل پوسٹ کر رہے ہیں تو اس سے جذباتی وابستگی ہو جاتی ہے اور اس طرح بےدست وپا ہو کر بڑی لاچاری محسوس ہوتی ہے۔

 

[افتخار راجہ]

بطور ناظم میں نے حالات کا جائزہ لیتے ہوئے ایک راہنما پوسٹ کی تھی کہ معاملات کو میانہ روی کی حد سے باہر نہ لے جایا جائے اور خیال تھا کہ جملہ احباب چونکہ ویسے بھی ایک دوسرے کا خیال رکھتے ہیں اس لئے فی الوقت ایک راہنما پوسٹ کا ڈال دینا کافی ہے؛ پھر جب گھوم کے آئے تو موضوع کو مقفل پایا۔

نبیل صاحب کا اس سلسلہ میں معذرت خواہ ہونا چہ معنی وارد؟
خیر یہ بھی ایسی کوئی بڑی بات نہیں ہے۔ ہر وہ فورم یا موضوع قابلِ قفل ہے جو میانہ روی سے ہٹ کر ہوگا اور کسی ایک کےلئے آزار کا باعث بنے گا۔ ہر وہ مکتوب قابلِ دست برداری ہے جس سے کسی دوسرے پر حرف آتا ہے۔
آزادیّ تحریر کو دو طرح سے استعمال کیا جاتا ہے۔ اول یہ کہ ہر بندے کو من مرضی و رضا کے تحت سب کچھ لکھنے کی آزادی ہو۔ اور دوئم یہ کہ یہ تحریر دوسروں کی آزادی کے احترام کرتی ہو۔ بس درمیان کا راستہ، آپنی آزادی اور دوسروں کی آزادی کا احترام۔
اس فورم میں اس وقت بہت سے ایسے فورم موجود ہیں جن پر کبھی کوئی خط نہیں لکھا گیا اور نہ ہی احباب کو ان سے رغبت ہے۔ اگران میں سے کسی کو تالا لگا دیا جائے یا پھر تحلیل کردیا جائےتو شاید کسی کو اسکا احساس تک نہ ہوتا۔ اسی طرح اہم موصوعات کا تحلیل ہونا بھی ایک معمول کی کاروائی سمجھا جاتا ہے جب ایسا کرنا ضروری ہوتو۔ کیونکہ بعض اوقات سرجری ہی واحد اور مناسب حل ہوتا ہے۔

 

[نبیل]

ڈاکٹر صاحب، مجھے آپ کو نشاندہی کرکے خود دور رہنا چاہیے تھا۔ دوسرے مجھے محب سے پہلے بات کرلینی چاہیے تھی۔ یہ کام مجھ سے واقعی کافی جلدبازی میں ہوا ہے اور مجھے اس پر شرمندگی ہے۔ میں نے اسی لیے معذرت کی تھی۔

 

[افتخار راجہ]

وہ میں نے دیکھ لیا تھا اور ایک ہی بات تھی جس نے بھی مقفل کیا جب مقصد یہ تھا کہ کسی کی دل آزاری ہونے سے بچا جائے۔
مگرجس طرح ماوراء نے آخری چند پوسٹس کی تھی ان کو دیکھتے ہوئے کوئی بھی یہ قدم اٹھاتا۔ اس لئے شرمندہ ہونے کی کوئی ضرورت نہیں ہے۔
بس سب کو مل کرکوشش یہ کرنی چاہئے کہ اس طرح کی نوبت ہی نہ آئے۔

 

[ماوراء]

ڈاکٹر صاحب، مجھے آپ کو نشاندہی کرکے خود دور رہنا چاہیے تھا۔ دوسرے مجھے محب سے پہلے بات کرلینی چاہیے تھی۔ یہ کام مجھ سے واقعی کافی جلدبازی میں ہوا ہے اور مجھے اس پر شرمندگی ہے۔ میں نے اسی لیے معذرت کی تھی۔

lol۔۔۔شرمندہ۔۔۔ مجھے آپ کے شرمندہ ہونے کی بات سمجھ نہیں آئی۔۔۔
اگر کوئی بھی آ کر آپ کو باتوں میں لگا لے۔۔تو کیا آپ یہی سمجھیں گےکہ جو میں کام کر چکا ہوں۔۔۔وہ غلط تھا۔
خیر۔۔میرے خیال میں آپ کو شرمندہ ہونے کی ضرورت نہیں ہے۔
جب میں ہی نہیں چاہتی تھی کہ۔وہ تھریڈ چلے تو۔۔محب کون ہوتا ہے۔۔اس کے باوجود اس تھریڈ کو چلانے کا۔۔

ہر انسان کے گرد ایک دائرہ ہوتا ہے۔۔اور اس دائرے کی ایک حد ہوتی ہے۔۔اور میرے خیال میں اگر وہ تھریڈ مقفل نہ ہوتا تو یقیناً وہ دائرہ ختم ہو جاتا۔۔

خیر میں آپ سے کچھ زیادہ نہیں کہنا چاہتی۔!!

 

[ماوراء]

اس نے پر کاٹ کر جب بابِ قفس کھول دیا
یاد بہت مجھے اڑنے کے زمانے آئے​

آج مجھے میری ایک کولیگ جو کہ اب مایئکروسافٹ میں جا چکی ہیں یہ بتایا کہ وہ ووٹ نہیں ڈال سکی کیونکہ کہ ووٹ کی آپشن نہیں آرہی اب۔ میں نے جا کر دیکھا تو تھریڈ مقفل تھی ۔ پہلے تو مجھے یقین نہیں آیا مجھے انتہائی حیرت ہوئی اور پھر جب یقیین آیا تو یہ حیرت دکھ میں بدل گئی کہ میں کیا ہوں اس فورم پر، کچھ بھی نہیں۔ کسی نے مجھے بتانے کی زحمت بھی گوارہ نہیں کی اور اتنا بھی انتظار نہیں کیا کہ میں آجاؤ اور اپنا موقف بیان کر لوں۔ اگر پوسٹس مقفل ہی کرنی ہیں تو پھر کیا فائدہ پوسٹس کرنے کا،پھر تو چپ چاپ بیٹھ کر پوسٹس دیکھنی ہی چاہئے کہ جانے کس وقت کونسی پوسٹ مقفل ہو جائے۔
مجھ پر اس پوسٹ میں حد سے زیادہ تنقید کی گئی، دھاندلی اور بیوقوفی تک کے الزام لگائے گئے مگر میں نے کسی پر غصہ کا اظہار نہیں کیا بلکہ تحمل سے سب کا جواب دیا اور اسے مزاح کے رنگ میں ہی لیا۔ کیا ہم میں برداشت کا مادہ اتنا ہی کم ہو گیا ہے کہ کسی بھی بات پر تصدیق کئے بغیر رائے قائم کر لیں۔
میں اس پوسٹ پر بہت محنت کی تھی اور اس کی وجہ سے 8 ممبران بھی بنائے تھے فورم پر بلکہ یہاں کھینچ کر لانے میں ایک مددگار پوسٹ تھی۔ مسلسل بحث و تمحیص کے بعد کئی لوگ ممبر بنے تھے اور میں نے رجسٹریشن سے لے کر اردو لکھنے تک میں ان کی مدد کی تھی جس میں کئی گھنٹی صرف ہوئے تھے۔ سب میں اس فرضی الیکشن سے ایک دلچسپ گفتگو کا سلسلہ جاری کر رکھا تھا۔ اب کئی لوگ مجھ سے پوچھ چکے ہیں کہ کیا بنا الیکشن کا میں کیا بتاؤں کہ تھریڈ مقفل ہے اور میں اتنی تعریفیں کرتا رہا ہوں فورم کی اور ممبران کے حسنِ سلوک کی۔ اس سلوک کے بعد کیا میں اتنے یقین سے یہ کہہ سکوں گا جب کہ میں خود حسنِ سلوک کا شکار ہو گیا ہوں۔

محب۔۔میں آپ کی باتوں سے متفق ہوں۔۔
مذاق مذاق میں ہی رہنا چاہیے۔۔اور ہم میں اتنی قوتِ برداشت ہونی چاہیے کہ ہم مذاق کو برداشت بھی کر سکیں۔۔
لیکن
میرے خیال میں ۔۔جو بات مذاق میں ہو رہی ہو۔۔صرف اس بات کو ہی مذاق سمجھنا چاہیے۔۔

لیکن
کبھی بھی کوئی یہ برداشت نہیں کرے گا کہ کسی انسان کو ہی مذاق بنا دیا جائے۔۔۔اگر آپ صرف ووٹ تک رہتے تو اور بات تھی۔۔۔لیکن میرا خیال ہے کہ آپ حد سے آگے بڑھ رہے تھے۔۔اس سے زیادہ بڑھنے سے پہلے ہی روک دینا اچھا ہوتا ہے۔۔اور میں کوئی بات دل میں نہیں رکھی۔۔۔سیدھا منہ پر کہتی ہوں۔۔۔مجھے آپ کا یہ انداز بالکل بھی اچھا نہیں لگا۔۔آپ مجھے جانتے ہی نہیں ہو۔۔اور جو مجھے جانتے نہیں ہیں۔۔میں ان کے ساتھ اتنا گھل ملتی نہیں ہوں۔۔
ذرا سوچیں۔۔یہ نیٹ ہے۔۔ان باتوں کو سب پڑھ رہے ہیں۔۔


اور
نبیل کو میں نے کہا تھا کہ اس تھریڈ کو بند کر دیا جائے۔۔جو کیا ہے میں نے کیا ہے۔اس لیے کسی اور پر الزام لگانے سے پہلے مجھ سے بات کر لینا۔۔

 

[ماوراء]

محب آپ اس تھریڈ کی بات کر رہے ہیں؟

مجھے امید ہے کہ جس ناظم نے بھی قفل لگایا ہے وہ اس کی وجہ بیان کرے گا۔

جیسبادی آپ کی بات کچھ حد تک درست ہے مگر میرے علم کے مطابق اس طرح ووٹنگ ختم ہو جاتی ہے موضوع کو قفل نہیں لگتا۔

بالکل زکریا میں اسی تھریڈ کی بات کر رہا ہوں۔ قفل لگنے پر مجھے اعتراض نہیں مگر میں اپنا موقف بیان نہیں کر سکا اس کا افسوس ہے مجھے۔ کچھ لوگوں کی پوسٹس کے جواب دینے تھے مجھے اس کے بعد بے شک مقفل کر دیا جاتا۔ دوسرا ناظمین کا کام کیا صرف قفل لگانا ہی ہے یا بحث کو اعتدال میں لانا بھی ہے ان کے فرائض میں۔ میری رائے میں قفل لگانے سے پیشتر مبحثین سے تحمل کی گزارش کر لینا زیادہ صائب ہے ورنہ تو بحث کا مقصد ہی فوت ہو جاتا ہے اگر گفتگو نہ ہو گی تو حاصل کیا کسی بحث کے شروع کرنے کا۔ سیفی اور افتخار صاحب ناظم ہیں اس زمرے میں اور وہی اس معاملہ میں زیادہ بہتر رائے دے سکتے ہیں۔

huh۔۔بحث۔۔lol۔۔۔۔بحث جہاں ہو رہی ہو تو کبھی وہاں دیکھا ہے کہ قفل لگا ہو۔۔؟؟
کیا آپ کے پاس کوئی اور ٹاپک ہے جس پر بحث کی جائے۔۔۔؟؟
ماوراء کسی ٹاپک کا نام نہیں ہے۔۔ہاں اگر ووٹ ہو رہے تھے۔۔۔تو ٹھیک ہے۔۔مجھے کوئی مسلئہ نہیں تھا۔۔
لیکن میں کسی کو اس بات کی اجازت نہیں دیتی کہ ۔۔کوئی میرے نام پر بحث کرے۔۔

 

[ماوراء]

السلام علیکم دوستو۔ میں ہی قصوروار ہوں اس کا۔ میں نے ماوراء کی پوسٹ‌ دیکھی تھی جس میں انہوں نے پوسٹ‌ کو مقفل کرنے کے بارے میں کہا تھا۔ میں نے ان سے ذاتی پیغام میں اس کے بارے میں دریافت کیا تو واقعی ان کی یہی مرضی تھی۔ میں نے اس معاملے میں جلدبازی کا مظاہرہ کیا ہے۔ مجھے محب علوی کی دلآزاری ہونے پر افسوس ہے۔ مجھے اپنے دفاع میں کچھ نہیں کہنا۔ جہاں تک الزامات کا تعلق ہے تو وہ بھی کسی نے سنجیدگی سے نہیں لگائے تھے۔ مجھے اس بات کا بھی خیال نہیں رہا تھا کہ اس فورم کے ناظم موجود ہیں اور وہ خود یہاں کے معاملات سنبھال سکتے ہیں۔ اچھا دوستو میں اس فورم سے اب دور ہی رہوں گا۔ خدا حافظ۔

الزام کی بات نہیں تھی نبیل صاحب۔۔بات صرف اتنی ہے کہ میں نہیں چاہتی تھی کہ یہ ٹاپک اتنی دور تک جائے۔میں نے اس تھریڈ کو شروع کرنے میں حامی اس لیے بھری تھی کہ وہاں صرف ووٹ ڈالے جائیں گے۔۔لیکن مجھے اس تھریڈ پر یہی چیز پسند نہیں آئی کہ وہاں بحث ومباحثہ شروع ہو گیا تھا۔اور مجھے یہ بات کبھی بھی اچھی نہیں لگے گی۔ جس کو میں جانتی بھی نہیں ہوں۔اور اس کی وجہ سے یہ بات اتنی بڑھ جائے۔
اور میں hurt صرف اسی وجہ سے ہوئی۔۔کہ مجھے کئی لوگوں نے کہا کہ اردو محفل پر تمھارے نام سے کیا ہو رہا ہے۔مجھے فون آ رہے تھے۔مجھے سمجھ ہی نہیں آئی کہ کیا ہو گیا ہے۔اس لیے میں نے آتے ساتھ ہی کہ دیا کہ اس کو بند ہو جانا چاہیے۔
ورنہ الزام کی کوئی بات نہیں ہے۔محب سے میں نے خود ہی بات چیت کی تھی۔اور مجھے پتہ تھا کہ کہاں آ کر ختم کرنا ہے سب کچھ۔

خیر آپ کا بہت شکریہ۔کہ آپ نے میری بات مان کر اس تھریڈ کو مقفل کیا۔!!!

 

[محب علوی]

باتیں کافی ہو چکیں ہیں اور شاید غلطفہمیاں اور بڑھیں۔ میرا یہاں پوسٹ کرنے کا صرف اتنا مقصد تھا کہ ممبران میں ربط باہمی ہو اور جو کام صلاح مشورہ سے ہو سکتا ہے وہ یک طرفہ طور پر نہ ہو۔ ماورا آپ نے اپنے حوالے سے تو یہ ضرور کہا ہے کہ آپ کو خیال رکھنا پڑتاہے مگر میرا نام لے کر آپ نے اتنی جگہ مجھ پر تنقید کی ہے اس پر بھی کچھ سوچا ہوتا۔ پوسٹ کے آخر میں آپ کا نام استعمال نہیں ہو رھا تھا اور میں صرف ووٹنگ پر پو سٹس کر رہا تھا۔ کس نے آپ کو کیا پیغام بھیجا اور کیا فون کیا اس کی ذمہ داری مجھ پر تو نہیں آتی۔ کسی کی غلط فہمیوں کی سزا مجھے دینی نہیں بنتی تھی۔ ہر شخص کی عزت نفس ہے اور اس کا خیال رکھنا سب کی ذمہ داری ہوتی ہے اور اس فورم پر ہم سب ایک کنبہ کی طرح ہیں جن میں قدرِ مشترک اردو ہے۔ بہرحال اس مسئلہ کو قطعاً طول نہیں دینا چایئے۔ غلط فہمیاں کہاں نہیں ہو جاتی کوئی انہونی نہیں یہ۔ اگر میری وجہ سے کسی کا دل دکھا تو میں انتہائی معذرت خواہ ہوں ایسا یقیناً باتوں کو سیاق و سباق سے ہٹ کر لینے کی وجہ سے ہوا ہوگا۔

رنجشیں گلے شکوے ہو چکے اب پھر سے سب سیر و شکر ہو کر دوبارہ سے معمول پر آجاتے ہیں۔ اردو سے محبت اولین ترجیح ہے اور انشاءللہ رہے گی۔ میرا دل بالکل صاف ہے سب کی طرف سے اور خدارا کسی کو مجھ سے شکایت ہے تو میں پھر سے معذرت خواہ ہوں اور اب میرا خیال ہے ہم چلتے ہیں دوبارہ فورم پر۔ اس تھریڈ کو یہاں ختم سمجھا جائے۔

 

[تیشہ]

ڈاکٹر صاحب، مجھے آپ کو نشاندہی کرکے خود دور رہنا چاہیے تھا۔ دوسرے مجھے محب سے پہلے بات کرلینی چاہیے تھی۔ یہ کام مجھ سے واقعی کافی جلدبازی میں ہوا ہے اور مجھے اس پر شرمندگی ہے۔ میں نے اسی لیے معذرت کی تھی۔

lol۔۔۔شرمندہ۔۔۔ مجھے آپ کے شرمندہ ہونے کی بات سمجھ نہیں آئی۔۔۔
اگر کوئی بھی آ کر آپ کو باتوں میں لگا لے۔۔تو کیا آپ یہی سمجھیں گےکہ جو میں کام کر چکا ہوں۔۔۔وہ غلط تھا۔
خیر۔۔میرے خیال میں آپ کو شرمندہ ہونے کی ضرورت نہیں ہے۔
جب میں ہی نہیں چاہتی تھی کہ۔وہ تھریڈ چلے تو۔۔محب کون ہوتا ہے۔۔اس کے باوجود اس تھریڈ کو چلانے کا۔۔

ہر انسان کے گرد ایک دائرہ ہوتا ہے۔۔اور اس دائرے کی ایک حد ہوتی ہے۔۔اور میرے خیال میں اگر وہ تھریڈ مقفل نہ ہوتا تو یقیناً وہ دائرہ ختم ہو جاتا۔۔

خیر میں آپ سے کچھ زیادہ نہیں کہنا چاہتی۔!!

 

[شمشاد]

مسئلہ خاصہ گمبھیر لگتا ہے حالانکہ ہونا نہیں چاہیے۔
محب کی بات میں خاصا وزن ہے کہ رنجشیں گلے شکوے ہو چکے اب پھر سے سب شِیر و شکر ہو کر دوبارہ سے معمول پر آجاتے ہیں۔ اردو سے محبت اولین ترجیح ہے اور انشاءللہ رہے گی۔

سب ارکان سے درخواست ہے کہ اس فورم پر ہنسی خوشی وقت گزاریں، خود بھی خوش رہیں اور دوسروں کو بھی خوش دیکھنے کا حوصلہ اور ہمت رکھیں۔ اور اگر یہ نہیں کر سکتے تو ان کی صحت کے لیئے یہی اچھا ہے کہ اس فورم سے دور ہی رہیں۔