اس کو بھی میری طرح نیند کدھر آتی ہے

[F@rzana]

اس کو بھی میری طرح نیند کدھر آتی ہے
رات بھر روشنی کھڑکی سے نظر آتی ہے

بے خیالی میں جو دیوار پہ رک جائے نظر
بات کرتی ہوئی تصویر ابھر آتی ہے

کوٹ کی جیب میں کھل جاتے ہیں رومال کے رنگ
اس کے کالر پہ کلی خوب نکھر آتی ہے

مجھ کو آتا ہے کسی دل کے سلگنے کا خیال
جب شرر اڑتے ہیں جب آگ نظر آتی ہے

دیپ جلتے ہی سلگ اٹھتی ہیں یادیں تیری
پھر اداسی بھی لگائے ہوئے پر آتی ہے

کون چپ چاپ در آیا ہے نظر میں نیناں
میں تو سنتی تھی دبے پاؤں سحر آتی ہے

فرزانہ نیناں​

 

[الف عین]

کیا تازہ غزل ہے نیناں؟
اچھی غزل ہے۔ مقطع بطور خاص زبردست ہے۔

 

[F@rzana]

کیا تازہ غزل ہے نیناں؟
اچھی غزل ہے۔ مقطع بطور خاص زبردست ہے۔

تسلیمات با با جانی

جی ہاں تازہ ہے ایک شعر اور بھی تھا پر میں اس سے مطمئن نہیں ہو پارہی اس لیئے شامل نہیں کیا۔

 

[الف عین]

تم کو ایک ای میل بھی کیا تھا، تازہ کلام، ای بک مواد وغیرہ کے لئے، تم نے جواب نہیں دیا!! ابھی آن لائن ہو تو باتیں یہاں ہی کر لی جائیں!!

 

[مغزل]

شکریہ نیناں ، اللہ تبارک و تعالیٰ توفیقات میں خوب خوب اضافہ فرمائے ، ماشااللہ ، جیتی رہیے ، شاد و کامر ان رہیے

 

[F@rzana]

تم کو ایک ای میل بھی کیا تھا، تازہ کلام، ای بک مواد وغیرہ کے لئے، تم نے جواب نہیں دیا!! ابھی آن لائن ہو تو باتیں یہاں ہی کر لی جائیں!!

معذرت کے سوا کوئی لفظ نہیں میرے پاس۔۔۔۔۔۔ پیارے بابا جانی، دل میں خیال مت کیجئے گا،

گھر بار کی بیشمار ذمہ داریوں کے ہمراہ میں اپنی فن و ادب کی سرگرمیاں جس طرح نبھاتی ہوں۔۔۔۔۔۔۔۔۔۔۔۔ وہ جی جانتا ہے۔۔۔
ہو سکتا ہے آپ کی میل ڈیلیٹ ہوگئی ہو، کون سے ایڈریس پر بھیجی تھی؟

آپ مجھے جو بھی لکھیں وہ میرے فرزانہ اختر والے ای میل پر بھیجا کیجئے۔

میں خود کئی روز سے بہت ساری باتیں کرنے کی خواہش دل میں لیئے ہوں،آپ اپنے فون نمبر دیجیئے پلیز اور کون سا وقت مناسب ہوگا کال کے لیئے اس سے بھی مجھے آگاہ کیجئے۔ مہربانی

 

[ابن سعید]

ما شاء اللہ!

لاجواب غزل۔ دوسرا اور آخری شعر خاص کر۔

 

[محمد وارث]

لاجواب، بہت خوبصورت غزل ہے فرزانہ صاحبہ!

سبھی اشعار اچھے ہیں، مجھے خاص طور پر یہ زیادہ پسند آئے:

بے خیالی میں جو دیوار پہ رک جائے نظر
بات کرتی ہوئی تصویر ابھر آتی ہے

مجھ کو آتا ہے کسی دل کے سلگنے کا خیال
جب شرر اڑتے ہیں جب آگ نظر آتی ہے

کون چپ چاپ در آیا ہے نظر میں نیناں
میں تو سنتی تھی دبے پاؤں سحر آتی ہے

واہ واہ واہ۔۔۔۔۔۔۔۔

 

[ش زاد]

بے خیالی میں جو دیوار پہ رک جائے نظر
بات کرتی ہوئی تصویر ابھر آتی ہے


کون چپ چاپ در آیا ہے نظر میں نیناں
میں تو سنتی تھی دبے پاؤں سحر آتی ہے

فرزانہ نیناں​

واہ واہ واہ واہ
کتنے مُکمل اشعار ہیں واہ

 

[الف عین]

نیناں، کبھی اپنی غزل پر تبصرہ دیکھنے آؤ تو یہ بھی دیکھ لینا کہ میں مطلع کر رہا ہوں کہ میرے پاس فرزانہ اختر والی ای میل آئ ڈی نہیں ہے، ذ پ سے بھیج دو!!

 

[زین]

بہت خوب!!!

 

[عمران شناور]

بہت خوب غزل ہے نیناں جی! شیئر کرنے کے لیے شکریہ

 

[شاہ حسین]

بہت خوب محترمہ نہایت عمدہ غزل ہوئی ہے ۔
شامل محفل کرنے کا بہت شکریہ ۔

 

[فاتح]

اس خوبصورت غزل پر مبارک باد

 

[مغزل]

لگتا ہے نیناں پھر سے غائب ہوگئی ہیں ، بابا جانی کا مراسلہ بھی نہیں دیکھا انہوں نے ، چلیے اسی بہانے فاتح صاحب کے درشن تو ہوگئے

 

[ماوراء]

فرزانہ پچھلے کچھ دنوں سے اوسلو میں تھیں۔۔اسی لیے غائب ہیں۔ آج شام واپسی کی فلائیٹ ہیں ان کی۔

 

[مغزل]

شکریہ بہنا ، مگر وہ فیس بک پر تو موجود ہے