کاشفی
محفلین
اعجازِ بیاں
(سعید احمد اعجاز - 1920ء)
کاش اِک روز تو یوں رونقِ محفل ہوتا
پاؤں رکھتا تو جہاں واں پہ مرا دل ہوتا
حُسن کامل تھا ترا، عشق بھی کامل ہوتا
یعنی ہاتھوں میں مرے پردہء محمل ہوتا
دلِ ساحل کو ہے ارمان کہ ہو جائے وہ بحر
بحر کو ہے یہ تمنّا کہ وہ ساحل ہوتا
دل نہ زنہار نوا سنجِ شکایت ہوتا
لطف بھی کچھ جو ترے جور میں شامل ہوتا
خوگرِ جور ہیں ہم جاں سے گزر ہی جاتے
گر ستم چھوڑ کے تُو لُطف پہ مائل ہوتا
کاش اس طرح سے یہ چاندنی راتیں کٹتیں
کہ ہم آغوش مرے تُو لبِ ساحل ہوتا
ترے پہلو میں گزرتی مری اک ساعتِ عیش
خوب ہوتا یہ مری عمر کا حاصل ہوتا
کس قدر یاس فزا شامِ اجل تھی اعجاز
کاش بالیں پہ مرے وہ مہہِ کامل ہوتا
(سعید احمد اعجاز - 1920ء)
کاش اِک روز تو یوں رونقِ محفل ہوتا
پاؤں رکھتا تو جہاں واں پہ مرا دل ہوتا
حُسن کامل تھا ترا، عشق بھی کامل ہوتا
یعنی ہاتھوں میں مرے پردہء محمل ہوتا
دلِ ساحل کو ہے ارمان کہ ہو جائے وہ بحر
بحر کو ہے یہ تمنّا کہ وہ ساحل ہوتا
دل نہ زنہار نوا سنجِ شکایت ہوتا
لطف بھی کچھ جو ترے جور میں شامل ہوتا
خوگرِ جور ہیں ہم جاں سے گزر ہی جاتے
گر ستم چھوڑ کے تُو لُطف پہ مائل ہوتا
کاش اس طرح سے یہ چاندنی راتیں کٹتیں
کہ ہم آغوش مرے تُو لبِ ساحل ہوتا
ترے پہلو میں گزرتی مری اک ساعتِ عیش
خوب ہوتا یہ مری عمر کا حاصل ہوتا
کس قدر یاس فزا شامِ اجل تھی اعجاز
کاش بالیں پہ مرے وہ مہہِ کامل ہوتا
