اعجاز عبید کے آن لائن ادبی جریدے "سمت " اور "برقی کتابیں" پر منظوم تاثرات۔ از احمد علی برقی اعظمی

[خرم شہزاد خرم]

فیس بک پر احمد علی برقی اعظمی صاحب کی نظم جو کے استادِ محترم اعجاز عبید صاحب کے میگزین سمت اور برقی کتابوں کی ویب سائیٹ کے لیے لکھی گئی میں نے چاہا یہاں بھی پوسٹ کر دوں تو ٹائپ کر دی

اعجاز عبید کے آن لائن ادبی جریدے "سمت " اور "برقی کتابیں" پر منظوم تاثرات۔ از احمد علی برقی اعظمی​

"سمت" ہے اردو ادب کی آن لائن میگزین​

جو کہ ہے اعجاز کا اک کارنامہ بہترین​

ہے یہ سہ ماہی جریدہ ناشرِ اردو ادب​

ہے میسر جن کو انٹرنیٹ، ہیں اس کے ناظرین​

درحقیت ہے یہ اک آئینہ نقد و نظر​

فکر و فن کا تجزیہ کرتے ہیں جس میں ناقدین​

ہے یہ منظورِ نظر اربابِ علم و فضل کی​

کرتی ہے ہموار جو علمی مباحث کی زمین​

اس کی ڈیجیٹل لائبریری ہے وہ گنجِ شایگاں​

استفادہ کر رہے ہیں جس سے اردو قارئیں​

ہر طرح کی ہیں یہاں برقی کتابیں درستیاب​

ہے یہ برقی اعظمی گلدستہ شعر و ادب​

جس کے گلہائے مضامین ہیں نہایت دلنشین​

 

[نایاب]

سچا منظوم خراج تحسین

 

[الف عین]

اصل میں تو برقی اعظمی صاحب کی محبتوں کا ممنون ہوں، اور خرم کا بھی کہ یہاں یہ نظم پیش کر دی۔

 

[خرم شہزاد خرم]

اصل میں تو برقی اعظمی صاحب کی محبتوں کا ممنون ہوں، اور خرم کا بھی کہ یہاں یہ نظم پیش کر دی۔

خرم کا ممنون ہونے کی ضرورت نہیں میں تو نوکر ہوں آپ کا

 

[الف عین]

خرم کا ممنون ہونے کی ضرورت نہیں میں تو نوکر ہوں آپ کا

تو میں نے تو تم کو حکم نہیں دیا کہ اسے یہاں پوسٹ کرو۔ خیر مذاق برطرف۔ برقی صاحب واقعی موضوعاتی نطمیں کہنے میں یدِ طولیٰ رکھتے ہیں

 

[شیزان]

بہت خوب