افریقی ریاست گیمبیا اسلامی جمہوریہ قرار

[ربیع م]

افریقی ریاست گیمبیا اسلامی جمہوریہ قرار​

گیمبیا(نیوزڈیسک) گیمبیا کو اسلامی جموریہ ملک قرار دے دیا گیا ہے۔ تفصیلات کے مطابق دنیا میں ایک اور اسلامی ملک کا قیام پذیر میں آیا ہے۔ تفصیلات کے مطابق افریقی ملک گیمبیا کو اب اسلامی جمہوریہ ملک قرار دے دیا گیا ہے۔ گیمبیا کے صدر نے ملک کی آبادی کا 90 فیصد مسلمانوں پر مشتمل ہونے کے باعث اسے اسلامی جمہوریہ ملک قرار دینے کا فیصلہ کیا ہے۔گیمبیا کے صدر کے مطابق ملک میں مسلمانوں کی تعداد، آبادی اور اسلام کے پھیلائو کو دیکھتے ہوئے یہ فیصلہ کیا گیا ہے کہ مُلک کو اسلامی جمہوریہ ملک قرار دیا جائے. اس خبر کے سامنے آتے ساتھ ہی دنیا بھر میں مسلمانوں میں خوشی کی لہر دوڑ گئی ہے. ایک طرف جہاں مسلمانوں کو دنیا بھر میں تکالیف اور مصائب کا سامنا ہے وہیں پر ایک نئے اسلامی ملک کا قیام یقینا مسلمانوں کو مزید متحد اور طاقتور بنانے میں مددگار ثابت ہوگا.

بحوالہ: لنک

 

[محمد عامر شہزاد]

اللہ پاک تمام مسلمانوں کو امن و اتحاد سے رہنے کی توفیق عطا فرمائے۔ آمین۔

 

[افضل حسین]

بہت خوب۔ خدا ترقی عطاکرے۔

 

[اسد]

انشا اللہ، ماشا اللہ، سبحان اللہ، الحمد للہ، وغیرہ، وغیرہ۔ مغربی ملکوں کی طرف سے بھیک میں رکاوٹ پڑنے پر اکثر اسلام یاد آ جاتا ہے، تاکہ دہشتگردوں کو امداد فراہم کرنے والے اسلامی ممالک سے بھیک مل سکے۔

صورتِ حال سے واقف لوگ خوش ہونے کے بجائے صرف دعا کر سکتے ہیں کہ اللہ اس ملک کے عوام کو شدت پسندوں اور دہشت گردوں سے محفوظ رکھے۔

 

[زیک]

گیمبیا کے صدر نے ملک کی آبادی کا 90 فیصد مسلمانوں پر مشتمل ہونے کے باعث اسے اسلامی جمہوریہ ملک قرار دینے کا فیصلہ کیا ہے۔

وہی صدر جو 21 سال سے حکومت کر رہا ہے۔ شاید اسے ملک کے نام سے جمہوریہ نکال دینا چاہیئے

 

[ایچ اے خان]

افریقہ کی کوئی کل سیدھی نہیں ہے

 

[ربیع م]

تاکہ دہشتگردوں کو امداد فراہم کرنے والے اسلامی ممالک سے بھیک مل سکے

کون سے اسلامی ممالک دہشت گردوں کو امداد فراہم کرتے ہیں جناب؟

 

[bilal260]

کیا یہ باضابطہ اعلان ہے تو اس ملک کا بادشاہ بھی مسلمان ہونا چاہئے اور تمام حکومت نئے سرے سے ترتیب دینی چاہئے۔

 

[دوست]

الفاظ کا ہیر پھیر ہے اور کچھ نہیں۔

 

[ربیع م]

الفاظ کا ہیر پھیر ہے اور کچھ نہیں۔

اسلامی جمہوریہ کا اعلان شاید الفاظ کا ہیر پھیر سمجھ لیا جائے ورنہ مسلمانوں کی آبادی کا 90 فیصد ہونا محض ہیر پھیر نہیں ااور یہی اس خبر کا سب سے اہم حصہ ہے۔

 

[دوست]

جی اسی جانب اشارہ کیا گیا ہے۔ خبر نوے فیصد آبادی مسلمان ہونے کی نہیں ملک کا نام بدلنے کی تھی۔