افغان ائیرفورس کا مخرف مگ 21

[سید اسد محمود]

29جون 2013ء کے دن بچوں کے ساتھ پاکستان ائیر فورس میوزئیم جانے کا اتفاق ہوا۔۔ اس میوزئم ہی میں افغان ائیر فورس کا ایک مخرف مگ 21 طیارہ بھی موجود ہے جسے باقی پاکستانی طیاروں سے نسبتاً مختلف طریقے سے نمائش کے لئے پیش کیا گیا ہے۔۔ پاکستانی طیارے باقاعدہ چمکدار ٹائلز والے گول چبوتروں پر ایک شان سے اپنے جلوے دکھا رہے ہیں لیکن یہ مخرف جہاز تین اطراف سے بنکر نما دیوار اور سامنے کی جانب سے ایک نسبتاً اونچے جنگلے میں مقید خاصا مظلوم اور بے بس دکھائی دیتا ہے۔

 

[سید اسد محمود]

اس جہاز کے بارے میں ایک تعارفی تختی بھی ساتھ ہی نصب ہے جس میں اسکا شجرہ نصب اور کارنامے بیان کئے گئے ہیں:

مزید گوگل گردی سے یہ معلوم ہوا کے اس جہاز کے ہواباز افغان ائیرفورس کے کیپٹن جلال الدین وردک تھے جو 29 ستمبر 1989ء کے دن مخرف ہو کر اس طیارے کو قندہار سے پشاور ائیربیس پر اُڑا لائے۔

 

[سید اسد محمود]

اس جہاز کے ساتھ کچھ بے توقیری والا معاملہ بھی ہے لوگ جنگلہ باآسانی پھلانگ کر اس مخرف طیارے کے ساتھ فخریہ تصاویر کھنچوا رہے تھے ۔۔ جبکہ دیگر پاکستانی طیاروں کے ساتھ ایسا کچھ نہیں ہورہا تھا اگر کوئی ایسی حرکت کرنے کی کوشش بھی کرتا تو سکیورٹی پر معمور عملہ سیٹیاں بجانا اور واپس آنے کے اشارے کرنا شروع کردیتا ۔۔ اس تصویر میں جو صاحب نظر آرہے ہیں یہ ایک مخصوص پوز کے بارے میں اپنے بچوں کو بتارہے تھے کہ اسطرح ہاتھ رکھ کر کھٹرے ہو میں تصویر کھینچوں گا۔

 

[سید اسد محمود]

یہ پاکستانی ٍF-104 کی شان دیکھیں:

 

[شمشاد]

بہت خوب اسد بھائی۔ بہت اچھی سیر کروائی آپ نے۔