لقمان پنجابی
محفلین
سائیمن ہینشاء، امریکی دفتر خارجہ دی انجمن برائے آبادی، پناہ گزین، تے ہجرت (پی آر ایم) دے پرنسپل ڈیپٹی اسسٹینٹ سیکریٹری نے امریکہ دے افغان پناہ گزیناں تے مقامی پاکستانی آبادیاں لئی امریکی امداد دے عزم دے وکھاوے تے اظہار لئی پاکستان دا دورا کیتا۔ دورے دے دوران ہینشاء نے صوبے تے سرحدی وزارتاں، اقوام متحدہ دے افسراں، تے پی آر ایم سانجھ کاراں نال بیٹھک کیتی۔ اوناں ہری پور تے خیبر پختونخواہ چ امریکی امداد نال چلن آلے کئی منصوبیاں دا دورہ وی کیتا۔
ہینشاء نے بال تے بالڑیاں دے کئی سکولاں دا وی دورہ کیتا جیناں چ تعلیم دی سہولت چھیویں کلاس تو اگے کرکے ستویں تے اٹھویں تائیں کردیتی گئی وے۔ امریکی امداد اقوام متحدہ تے پاکستانی سرکار دے آسرے نال چلن آلے پرائمری تے ہائی سکولاں لئی ضروری امداد دے گھاٹیاں نوں پورا کرن لئی دیتی جاندی وے۔ "زنانیاں دا معاشرے چ ہرطرح دا کردار ہووناں چاہی دا وے، تے امریکہ دا بالڑیاں دے ہری پورچ سکول پاونڑاں ساڈی تمام بالاں لئی تعلیم دے سانجھے ارادے نو ظاہرکردا وے،" ہینشاء آکھیا۔
ہینشاء نے اقوام متحدہ تے پاکستانی سرکار دی سانجھی ٹیک نال ریفیوجی-ایفیکٹیڈ اینڈ ہوسٹنگ ایریا انیشییٹیومنصوبیاں، جیدے وچ صحت عامہ مراکز تے پرائمری سکول جیڑے افغان پناہ گزین تے مقامی بالاں لئی چالو منصوبیاں تحت بن رہے نے، دا جائزہ لیا۔ اوناں نوجواناں نال ملاقات کیتی جیڑے ترکھان پورا، ویلڈینگ، تے پلمبنگ جئے ہنرسیکھ رہے نے تے اے تربیت افغان تے پاکستان نوجواناں نوں روزگار تے اپنے تے انحصار کرن چ مد دے رہی وے۔ حال چ تربیت لین آلے جواناں اپنے تجربے جیڑا اوناں نوں تربیت توں بعد روزگار لبن تے اپنے ٹبراں لئی روزی روٹی کمان دا ہوئے اوناں اودا اظہار کیتا۔ "میں ہنر سیکھن دی غرض نال دیتی جاون آلی تربیت دے عملی فائدے نوں ویکھ کے بڑا متاثر ہویاں واں، تے مینوں خوشی وے کے اے تربیت لین آلے کئی جوان چنگے روزگار لب رہے نے، تے پاکستان تے افغانستان چ اپنے کاروبار وی چالو کررہے نے،" ہینشاء اپنے خیالات دے اظہارچ آکھدے نے۔
1979 تو لے کے پاکستان نے بڑا جی کھول کے افغان پناہ گزیناں دی اک وڈی تعداد دی اگے پیچھے ہجرت دے دوران مہمان نوازی کیتی وے۔ جدوں کے کروڑاں افغان پناہ گزین 2002 تو دیس ہٹ گئے نے، پر اجے وی ایک کروڑ چھبی لکھ افغان پناہ گزین پاکستان چ رہ رہے نے۔ "امریکہ پورے دل نال ڈٹیا ہویا وے کے او پاکستان دی سرکار تے مقامی آبادیاں نال رل کے افغان پناہ گزیناں دیاں ضرورتاں پوریاں کرے،" ہینشاء نے آکھیا۔
امریکہ افغان پناہ گزیناں دی مدد لئی چندہ دیون آلیاں چوں ساریاں نالوں اگے وے۔ مالی سال 2013 دے دوران، پی آر ایم نے علاقے چ پناہ گزیناں دی مدد تے واپسی لئی آٹھاسی کروڑ ڈالر دی امداد دیتی۔ پی آر ایم پاکستانی تے افغانستان دی سرکار، اقوام متحدہ دے پناہ گزیناں دے ہائی کمیشنر(یو این ایچ سی آر) نال رل کے پناہ گزیناں دے پکے تے پیڈے حل لوڑن دیاں کوششاں کردا وے۔ افغان پناہ گزیناں تے مقامی آبادیاں دے آسرے آلے منصوبیاں لئی ایدی 10 غیر سرکاری اداریاں نال شراکت داری وی اے۔
