البانوی قومی آزادی کا صد سالہ جشن

[حسان خان]

سالِ گذشتہ ۲۸ نومبر ۲۰۱۲ کو البانیہ، کوسووو اور مقدونیہ میں البانوی آزادی کا صد سالہ جشن منایا گیا تھا۔ یہ ساری تصاویر اُسی جشن کی ہیں۔

البانیہ کے دارالحکومت تیرانا کے مرکزی چوک میں موسیقار فن کا مظاہرہ کر رہے ہیں۔

وسطی تیرانا البانوی پرچموں سے سجا ہوا ہے۔

تیرانا میں جشنِ آزادی کے موقع پر بچوں نے اپنا ملی لباس پہنا ہوا ہے۔

لوگ خوشیاں منا رہے ہیں۔

تیرانا میں کوسووو سے تعلق رکھنے والے البانوی اپنے روایتی لباس میں۔۔۔
البانوی زمانۂ قدیم سے ایک رزمی قوم کے طور پر مشہور ہیں۔ اور عثمانی فوج کا بیشتر حصہ البانویوں ہی پر مشتمل ہوتا تھا۔

مقدونیہ کے دارالحکومت اسکوپ (انگریزی میں: skopje) میں البانوی اپنی قومی آزادی کا جشن منا رہے ہیں۔
البانوی مقدونیہ کی کل آبادی کا کم سے کم تیس فیصد ہیں۔ اور ضمناً اس ملک کی پینتیس فیصد آبادی خود کو مسلمان کہتی ہے۔

(بائیں سے دائیں) مقدونیہ کے نائب وزیرِ اعظم موسیٰ جعفری، البانوی وزیرِ اعظم صالح بریشا، مقدونی-البانوی رہنما علی احمدی، اور کوسوو کے وزیرِ اعظم ہاشم تاچی مقدونیہ کے دارالحکومت اسکوپ میں البانوی آزادی کا جشن منا رہے ہیں۔

کوسوو کے دارالحکومت پریشتینا میں واقع جَودَت دَودا ثانوی اسکول کے بچوں نے ۱۰۰ کا ہندسہ بنایا ہوا ہے۔

پریشتینا میں عمارات پرچم سے سجائی جا رہی ہیںِ

پریشتینا

۲۸ نومبر، ۱۹۱۲: بابائے قوم اسماعیل کمالی (بیچ میں داڑھی والے) ولورَہ کے مقام پر آزادی کا اعلان کر رہے ہیں۔

جاری ہے۔۔۔

 

[x boy]

بہت شکریہ

 

[حسان خان]

تیرانا

تیرانا میں ایک مسجد کا مینار بھی پرچم سے مزین ہے۔

کوسووو کا شہر مِترووِیچا۔۔
یہ شہر آئے دن سرب البانوی نسلی فسادات کی وجہ سے خبروں کی زینت بنا رہتا ہے۔ چونکہ یہ بہت حساس شہر ہے اس لیے نسلی فسادات کی روک تھام کے لیے یہاں ہمہ وقت بین الاقوامی فوج تعینات رہتی ہیں۔ شہر کی ایک سمت البانوی باشندے بستے ہیں اور دوسری جانب سرب۔۔ سربیا تا حال کوسووو کو اپنا حصہ مانتا ہے۔

البانوی اور بوسنیائی دنیا کی شاید دو ایسی انوکھی مسلمان اقوام ہیں جو امریکی ریاست کو مجموعی طور پر بہت مثبت نگاہ سے دیکھتی ہیں، کیونکہ ان دونوں ریاستوں کی آزادی میں امریکا کا کلیدی کردار ہے۔ کوسووو کے لوگوں نے البانوی پرچم کے ساتھ ساتھ امریکی پرچم لہرانے بھی فراموش نہیں کیے۔ جب بھی امریکا پر الزام لگایا جائے کہ وہ مسلمان مخالف ہے تو وہ جواب میں کوسووو اور بوسنیا کی مثال سامنے رکھتا ہے۔ فواد صاحب بھی اس فورم پر ایک آدھ بار یہ کر چکے ہیں۔ سرب تلخی کی ایک بڑی وجہ یہ بھی ہے کہ وہ سمجھتے ہیں کہ اُن کے 'اپنوں' نے اُن کا ساتھ نہ دے کر 'غیروں' کا ساتھ دیا ہے۔
۲۰۱۱ کی مردم شماری میں کوسووو کے ۹۶ فیصد لوگوں نے خود کو مسلمان کہا تھا۔ بقیہ چار فیصد آبادی عیسائی پس منظر رکھتی ہے۔ البتہ ترکی اور دیگر مسلمان ممالک کی کی طرح دین ریاستی امور سے جدا ہے۔

مِتروویچا میں ایک جانب البانوی پرچم تو مقابل سمت سرب پرچم۔۔۔ یہ دونوں باہمی 'ازلی دشمن' ہیں۔

شہر کو سرب اور البانوی حصے میں منقسم کرنے والے پُل پر ممکنہ بدمزگی سے بچنے کے لیے اطالوی فوج تعینات ہے۔

مقدونیہ کا دارالحکومت اسکوپ
اگر کوسووو سرب البانوی فسادات کا شاہد رہا ہے، تو مقدونیہ میں بھی مقدونی البانوی نسلی کشیدگی کی فضا قائم رہتی ہے۔
اس ملک کے تقریباً سارے ہی البانوی باشندے خود کو مسلمان کہتے ہیں۔ شاید اس وجہ سے کہ اِن کی مذہبی شناخت انہیں مقدونی اکثریت سے جداگانہ قومیت بنائے رکھنے میں مددگار عنصر ثابت ہوتی آئی ہے۔ ویسے بھی عثمانی باقیات ہونے کی وجہ سے بلقان کے لوگ (چہ مسلمان و چہ مسیحی) یورپ کے دیگر خطوں کے لوگوں کے مقابلے میں حیرت انگیز طور پر بہت زیادہ مذہبی ہیں۔

مسجد کے آگے ایک البانوی اپنی روایتی ٹوپی پہنے ساز بجا رہا ہے۔

 

[حسان خان]

کوسووو کا تاریخی شہر پریزرن

کوسووو کا دارالحکومت پریشتینا

گییلان، کوسوو

فی الحال اتنی ہی تصاویر کافی ہیں۔۔۔ مزید کوئی اچھی تصویر نظر آئی تو اُسے بھی اس دھاگے میں شامل کر لوں گا۔۔

 

[عمر سیف]

زبردست ۔۔

 

[نایاب]

بہت خوب شراکت
بہت دعائیں

 

[غلام ربانی فدا]

زبردست

 

[غلام ربانی فدا]

زبردست

 

[قیصرانی]

بہت خوب

 

[حسان خان]

البانیہ کے دینی مدارس بھی اپنی قوم کی آزادی کے صد سالہ جشن میں پیچھے نہیں رہے تھے۔ مندرجہ ذیل تصاویر ملک بھر کے مدارس میں اس سلسلے میں ہونے والی تقریبات کی ہیں۔