امریکی ایجنسی پیپلز پارٹی، بی جے پی اور اخوان المسلمون کی جاسوسی کرتی رہی

[لئیق احمد]

امریکی ایجنسی پیپلز پارٹی، بی جے پی اور اخوان المسلمون کی جاسوسی کرتی رہی

نیو یارک (جنگ نیوز) امریکی عدالت نے خفیہ ادارے نیشنل سیکورٹی ایجنسی (این ایس اے) کو پاکستان، افغانستان اور بھارت سمیت دنیا کے 193 ممالک کی جاسوسی کی اجازت دیدی۔ امریکی اخبار نے اپنی رپورٹ میں انکشاف کیا ہے 2010ء میں این ایس اے نے پاکستان پیپلز پارٹی ، اخوان المسلمون اور بھارتیہ جنتا پارٹی سمیت پانچ سیاسی تنظیموں کی خفیہ نگرانی بھی کی تھی ۔ تفصیلات کے مطابق امریکی خفیہ ادارے این ایس اے کو پاکستان سمیت 193 ممالک کی خفیہ نگرانی کی اجازت دے دی گئی۔ واشنگٹن پوسٹ میں شائع ہونے والی ایک رپورٹ کے مطابق صرف برطانیہ، کینیڈا،آسٹریلیا اور نیوزی لینڈ کو این ایس اے کی جاسوسی سے مثتثنیٰ قرار دیا گیا ہے۔ فارن انٹیلی جنس سرویلنس کورٹ نے این ایس اے کو قانونی سرٹیفکیٹ جاری کیا جس میں اسے پہلے کے مقابلے میں زیادہ اختیارات دیے گئے ہیں۔سرٹیفکیٹ کے مطابق این ایس اے کو ورلڈ بینک ، آئی ایم ایف ، یورپی یونین ، انٹرنیشنل ایٹامک انرجی ایجنسی اور دیگر عالمی اداروں کی خفیہ معلومات اکھٹا کرنے کی بھی اجازت ہوگی ۔ دوسری جانب واشنگٹن پوسٹ نے این ایس اے کے سابق اہلکار ایڈورڈ اسنوڈن کی جانب سے فراہم کردہ دستاویزات کے حوالے سے انکشاف کیا ہے کہ 2010ء میں امریکی خفیہ ایجنسی کو پاکستان پیپلزپارٹی، مصرکی اخوان المسلمون اور ہندوستان کی بھارتیہ جنتاپارٹی، لبنان اور وینزویلا کی سیاسی جماعتوں سمیت سمیت پانچ تنظیموں کی خفیہ نگرانی کی۔

 

[لئیق احمد]

اس خبر سے پیپلزپارٹی کی اہمیت ظاہر ہوتی ہے۔ نظریاتی اختلاف کے باوجود یہ ماننا پڑے گا کہ پیپلز پارٹی پورے ملک میں پھیلی ہوئی ایک وفاق اور پاکستان پرست جماعت ہے۔

 

[x boy]

یہ عجیب خبر ہے
پی پی پی کا میمو گیٹ کے بارہ میں کیا رائے ہے

 

[محمداحمد]

اس خبر سے پیپلزپارٹی کی اہمیت ظاہر ہوتی ہے۔ نظریاتی اختلاف کے باوجود یہ ماننا پڑے گا کہ پیپلز پارٹی پورے میں پھیلی ہوئی ایک وفاق اور پاکستان پرست جماعت ہے۔

میرا خیال ہے کہ زرداری صاحب کے دورِ حکومت کے باعث پیپلز پارٹی پر نظر رکھی گئی ہوگی۔

پاکستان پرستی کی تو کوئی بھی علامت عرصہء دراز سے پیپلز پارٹی کے ہاں مفقود ہے۔

 

[محمود احمد غزنوی]

میرا خیال ہے کہ زرداری صاحب کے دورِ حکومت کے باعث پیپلز پارٹی پر نظر رکھی گئی ہوگی۔

پاکستان پرستی کی تو کوئی بھی علامت عرصہء دراز سے پیپلز پارٹی کے ہاں مفقود ہے۔

زرداری صاحب نے آتے ہی پاکستان کھپے کا نعرہ لگایا تھا۔۔۔اور انہوں نے وہ نعرہ سچ کردکھایا۔۔۔کھپا کر رکھ دیا پورے پاکستان کو۔

 

[لئیق احمد]

پاکستان پرستی کی تو کوئی بھی علامت عرصہء دراز سے پیپلز پارٹی کے ہاں مفقود ہے۔

پاکستان کھپے کی بات جو زرداری نے بروقت کی تھی جو بعد میں بہت مقبول ہوئی۔

 

[زیک]

واشنگٹن پوسٹ کی رپورٹ کا لنک؟

 

[لئیق احمد]

واشنگٹن پوسٹ کی رپورٹ کا لنک؟

یہ خبر جنگ سے لی گئی ہے اس کا لنک موجود ہے

 

[زیک]

یہ خبر جنگ سے لی گئی ہے اس کا لنک موجود ہے

آپ سے اصل رپورٹ کے لنک کی امید کرنا میری ہی بیوقوفی تھی۔

خبر کا لنک: http://www.washingtonpost.com/world...b872ec-fae4-11e3-8176-f2c941cf35f1_story.html

دستاویز جس میں ملکوں اور پارٹیوں وغیرہ کی فہرست ہے: http://apps.washingtonpost.com/g/pa...ganizations-authorized-for-surveillance/1133/