امریکی صدر، لوکاں تے ڈیجیٹل آؤٹ ریچ ٹیم ولوں سارے مسلماناں نوں عید مبارک

[لقمان پنجابی]

میشل تے میں‘ امریکی تے نال ہی دنیا بھر وچ عید الفطر دیاں خوشیاں منا ؤدے ہوئے دوجے مسلماناں نوں پُر جوش مبارکباد پیش کردے آں۔ پیشلےمہینے وچ مسلماناں نے عبادت تے خدمت گزاری تے روزے رکھہ کے اپنڑیں عقیدے دا مانڑ کیتا، تے اوناں اپنڑیں پیاریاں نال وقت گزاریا۔ ایس سال وائٹ ہائوس ولوں دیتی گئی افطاری وچ مینوں کئی امریکی مسلماناں‘ جناں دے کماں کارن ساڈے ملک وچ جمہوریت نوں چار چن تے ساڈی معیشت تگڑی ہوئی‘ اُناں وچوں کجھہ نال ملاقات دا شرف ہویا۔ ساڈے وچوں کئی لوکاں نوں ساڈے امریکی مسلمان متراں تے سنگیاں نال افطاری کرنڑ دا موقع لبّیا ہووے گا؟ اے او ریت وے جیڑی سانوں رب دیاں رحمتاں دا شکر تے غریباں تے ناداراں نال ہمدردی کرنڑ دا موقع دیندی وے۔ ایناں وچ او لکھاں شامی باشندے وی شامل نے جیناں اپنڑیں گھراں‘ اپنڑیں رشتہ داراں تے پیاریاں توں دور گھر و بے گھر رمضان گزاریا۔ ایس عید الفطر دے موقعے تے بہت سارے ضرورت مند شامی لوکاں دی مدد لئی امریکہ کھانڑ پین آلیا شےواں تے دوجیاں انسانی ضرورتاں لئی آضافی ۱۹۵ ملین ڈالر دی امداد دیتی وے جیدے بعد شام وچ بحران دے چالوں ہونڑ تو لے کے ہونڑ تائیں دیتی جانڑ آلی امریکی امداد ودھ کے ہونڑ اک ارب ڈالر ہوگئی وے۔ کروڑاں امریکیاں لئی‘ عید امریکہ دیاں کئی ہور ریتاں وچ اک عظیم ریت دے طور تے چنگا وادھا وے‘ تے میں سارے مسلماناں نوں اک چوکھیاں برکتاں آلی عید دی مبارک پیش کردا واں۔۔عید مبارک

ڈیجیٹل آؤٹ ریچ ٹیم اپنڑیں تے ساری امریکی عوام ولوں پاکستانیاں تے دنیا دے ہر کونے وچ وسنڑ آلے دوجے مسلماناں نوں عید دی مبارک باد پیش کردی وے۔۔ اسی امید کردے واں کے اے عید جیویں پیاریاں نوں اک دوجے دے کول لیاونڑ وچ مدد دیندی وے بلکل ایس طرح اے ساری انسانیت نوں اک دوجے نال اختلافات ہوونڑ دے باوجود اک دوجے نوں برداشت تے اک دوجے دے کول لیاونڑ وچ مدد گار ثابت ہووے گی—آمین۔۔۔عید مبارک