اعتبار ساجد اندر سے کوئی گھنگھرو چھنکے کوئی گیت سنیں تو لکھیں بھی ،،،،،،،،،،، اعتبار ساجد

[خوشی]

اندر سے کوئی گھنگھرو چھنکے کوئی گیت سنیں تو لکھیں بھی
ھم دھیان کی آگ میں تپتے ھیں کچھ اور تپیں تو لکھیں بھی

یہ لوگ بیچارے کیا جانیں کیوں ھم نے حرف کا جوگ لیا
اس راہ چلیں تو سمجھیں بھی اس آگ جلیں تو لکھیں بھی

دن رات ھوئے ھم وقف رفو اب کیا محفل کیا فکرسخن
یہ ہات رکیں تو سوچیں بھی یہ زخم سلیں تو لکھیں بھی

ان دیواروں‌ سے کیا کہنا یہ پتھر کس کی سنتے ھیں
وہ شہر ملے تو روئیں بھی وہ لوگ ملیں تو لکھیں بھی

خالی ھے من کشکول اپنا کاغذ پہ الٹ کے سرمایہ
جوکشٹ کمائے لکھ ڈالے دکھ اور سہیں تو لکھیں بھی

یہ میلانوں کے سوداگر یہ رحجاناں کے شعبدہ گر
جیبوں پہ سجاتے ھیں چوٹیں کچھ دل پہ سہیں تو لکھیں بھی

 

[محمد وارث]

شکریہ آپ کا خوبصورت غزل شیئر کرنے کیلیے۔

 

[فرخ منظور]

عمدہ غزل ہے خوشی صاحبہ۔ بہت شکریہ! لیکن مقطع میں ایک لفظ کی سمجھ نہیں آئی۔
یہ میلانوں کے سوداگر یہ رحجاناں کے شعبدہ گر
جیبوں پہ سجاتے ھیں چوٹیں کچھ دل پہ سہیں تو لکھیں بھی