انور مسعود۔ غزل۔ دُنیا بھی عجب قافلہ تشنہ لباں ہے۔

[فرحت کیانی]

دُنیا بھی عجب قافلہِ تشنہ لباں ہے
ہر شخص سرابوں کے تعاقب میں رواں ہے

تنہا تری محفل میں نہیں ہوں کہ مرے ساتھ
اِک لذتِ پابندیِ اظہار و بیاں ہے

جو دل کے سمندر میں اُبھرتا ہے یقیں ہے
جو ذہن کے ساحل سے گزرتا ہے گُماں ہے

پُھولوں پہ گھٹاؤں کے تو سائے نہیں انور
آوارۂ گلزار نشیمن کا دُھواں ہے

کلام: انور مسعود

 

[محسن وقار علی]

کسی ایک شعر کی تعریف نہیں کر سکتا کہ سبھی ہیں

 

[محمد وارث]

شکریہ فرحت خوبصورت غزل ارسال فرمانے کیلیے۔

 

[سید زبیر]

لاجواب انتخاب
بہت خوب

پُھولوں پہ گھٹاؤں کے تو سائے نہیں انور​

آوارۂ گلزار نشیمن کا دُھواں ہے​

 

[نایاب]

اک اچھی شراکت

جو دل کے سمندر میں اُبھرتا ہے یقیں ہے​

جو ذہن کے ساحل سے گزرتا ہے گُماں ہے​

 

[صائمہ شاہ]

واہ

جو دل کے سمندر میں اُبھرتا ہے یقیں ہے​

جو ذہن کے ساحل سے گزرتا ہے گُماں ہے​

 

[الشفاء]

جو دل کے سمندر میں اُبھرتا ہے یقیں ہے​

جو ذہن کے ساحل سے گزرتا ہے گُماں ہے​

واہ۔ بہت خوب انتخاب۔۔۔​

​

 

[محمد تابش صدیقی]

دنیا بھی عجب قافلۂ تشنہ لباں ہے
ہر شخص سرابوں کے تعاقب میں رواں ہے

تنہا تری محفل میں نہیں ہوں کہ مرے ساتھ
اک لذتِ پابندیِ اظہار و بیاں ہے

جو دل کے سمندر سے ابھرتا ہے، یقیں ہے
جو ذہن کے ساحل سے گزرتا ہے، گماں ہے

پھولوں پہ گھٹاؤں کے تو سائے نہیں انورؔ
آوارۂ گلزار نشیمن کا دھواں ہے
٭٭٭
انور مسعود​