اُمید کے مُقدر کی حد بھی تو مُنعیّن نہیں

[طاھر جاوید]

بھیگی صدائیں، بے سمت دُعائیں
پھر لمحہء حاضر بےاثر
پھر کُچھ چُھپا ، پِھر کُچھ فشاں
پھر سایہ و سائیبانِ انا
یک خُلیہ خاک پہ رقصاں
اُس پہ بھی جُستجُوئے آسماں

وہ روشنی ست رنگ سی
جو دُور دستِ دراز سے
بہتی ہوئی کب سےگُذر رہی ہے
کبھی ظاہر اورکبھی نہاں
مرے عشقِ شوقِ بندگی کا بنے مُسلسل اِمتحاں

مرا عشقِ شوقِ بندگی مگر
سانسوں کی لرزتی مچان پر
بس اِس اِنتظار میں براجماں
کہ مرے وجود کا کوزہ گر
مرے اِس موجودجسم کو
پھر۔ کُن۔ سے خاک کر ڈالےاور

مکاں سے جانبِ لامکاں
کرے مجھے پھر رواں دواں
رہِ ابد کےگذرتے ہرمقرر مقام پہ
اور شبِ ابد کے پڑاو میں بھی
وہی روشنی ست رنگ سی
ترے رحم و رحمت کے طفیل
رہے مُجھ پہ ہر لمحہ فشاں

گُناہ و سرانڈ کی ذلت میں مگر
یوں ڈوبی ہوِئ ہے زندگی
میں کہاں اور یہ مقام کہاں