اِن غزالوں کو بھلا کس کے ٹھکانے کی خبر

[ظہیراحمدظہیر]

محترم احبابِ محفل کی خدمت میں ایک اور غزل حاضر ہے۔ یہ تقریباً تین سال پرانا کلام ہے ۔ امید واثق ہے کہ آپ صاحبانِ ذوق کو ایک دو اشعار ضرور پسند آئیں گے ۔

٭

اِن غزالوں کو بھلا کس کے ٹھکانے کی خبر
پوچھئے خارِ مغیلاں سے دِوانے کی خبر

خاک چھانوں تری گلیوں کی بتا میں کب تک
دے مرے شہر کوئی یار پرانے کی خبر !

اب خبر ملتی نہیں اُن کی زمانے میں کہیں
وہ جو رکھتے تھے کبھی سارے زمانے کی خبر

تیر ایسے بھی حلیفوں کی کمانوں میں ہیں آج
جن کے ترکش کا پتا ہے ، نہ نشانے کی خبر

ملنے آئے ہیں مرے دوست ، یقیناً ہوگی
پھر نئی تازہ کوئی دل کو جلانے کی خبر

باندھ لے زادِسفر ، دیر نہ کر اب توظہیرؔ
آنے والی ہے کسی دن ترے جانے کی خبر

٭٭٭

ظہیرؔاحمد ۔۔۔۔۔۔۔۔۔۔۔۔۔۔۔۔۔۔ 2016
​

 

[محمد خلیل الرحمٰن]

محترم احبابِ محفل کی خدمت میں ایک اور غزل حاضر ہے۔ یہ تقریباً تین سال پرانا کلام ہے ۔ امید واثق ہے کہ آپ صاحبانِ ذوق کو ایک دو اشعار ضرور پسند آئیں گے ۔

٭

اِن غزالوں کو بھلا کس کے ٹھکانے کی خبر
پوچھئے خارِ مغیلاں سے دِوانے کی خبر

اب خبر ملتی نہیں اُن کی زمانے میں کہیں
وہ جو رکھتے تھے کبھی سارے زمانے کی خبر

تیر ایسے بھی حلیفوں کی کمانوں میں ہیں آج
جن کے ترکش کا پتا ہے ، نہ نشانے کی خبر

ملنے آئے ہیں مرے دوست ، یقیناً ہوگی
پھر نئی تازہ کوئی دل کو جلانے کی خبر

خاک چھانوں تری گلیوں کی بتا میں کب تک
دے مرے شہر کوئی یار پرانے کی خبر !

باندھ لے زادِسفر ، دیر نہ کر اب توظہیرؔ
آنے والی ہے کسی دن ترے جانے کی خبر

٭٭٭

ظہیرؔاحمد ۔۔۔۔۔۔۔۔۔۔۔۔۔۔۔۔۔۔ 2016
​

واہ! اتنی خوبصورت اور مترنم غزل ہے کہ ہم نے چشم تصور میں جگر صاحب کو یہ غزل اپنے مخصوص ترنم میں پیش کرتے ہوئے دیکھا اور اب اسے خود گنگنا رہے ہیں۔ بہت سی داد

 

[محمد تابش صدیقی]

بہت عمدہ اشعار

اب خبر ملتی نہیں اُن کی زمانے میں کہیں
وہ جو رکھتے تھے کبھی سارے زمانے کی خبر

تیر ایسے بھی حلیفوں کی کمانوں میں ہیں آج
جن کے ترکش کا پتا ہے ، نہ نشانے کی خبر

ملنے آئے ہیں مرے دوست ، یقیناً ہوگی
پھر نئی تازہ کوئی دل کو جلانے کی خبر

باندھ لے زادِسفر ، دیر نہ کر اب توظہیرؔ
آنے والی ہے کسی دن ترے جانے کی خبر

اللہ تعالیٰ آپ کو ایمان و صحت والی لمبی عمر عطا فرمائے۔ آمین

 

[ظہیراحمدظہیر]

واہ! اتنی خوبصورت اور مترنم غزل ہے کہ ہم نے چشم تصور میں جگر صاحب کو یہ غزل اپنے مخصوص ترنم میں پیش کرتے ہوئے دیکھا اور اب اسے خود گنگنا رہے ہیں۔ بہت سی داد

خلیل بھائی ، ذرا زور سے گنگنائیے تاکہ میں بھی سن سکوں ۔

 

[ظہیراحمدظہیر]

بہت عمدہ اشعار
اللہ تعالیٰ آپ کو ایمان و صحت والی لمبی عمر عطا فرمائے۔ آمین

بہت بہت شکریہ تابش بھائی! اللہ کریم آپ کو خوش رکھے ۔
دعا کے لئے بہت ممنون ہوں ۔ اللہ رحمٰن و رحیم آپ کے حق میں بھی یہ دعا قبول فرمائے ۔ آمین ۔

 

[محمد وارث]

بہت کم غزلیں ہوتی ہیں جن کے سارے اشعار ایسے رواں اور خوبصورت ہوں، بہت خوب ڈاکٹر صاحب قبلہ۔

 

[محمد خلیل الرحمٰن]

خلیل بھائی ، ذرا زور سے گنگنائیے تاکہ میں بھی سن سکوں ۔

حاضر جناب!

 

[محمد تابش صدیقی]

حاضر جناب!

لاجواب۔
میں واقعی منتظر تھا کہ آپ کا جواب اسی صورت میں آئے گا۔

 

[احمد محمد]

واہ۔۔ سبحان اللّٰہ۔۔۔۔ اللّٰہ تعالٰی آپ کو سلامت رکھیں۔

 

[ظہیراحمدظہیر]

حاضر جناب!

کیا بات ہے!!!!سبحان اللہ ، سبحان اللہ!
بہت دل نشین ترنم ہے خلیل بھائی! واقعی بہت اچھا پڑھا ہے آپ نے ۔ ٹیپ بند کرنے کے بعد بھی شائستہ اور میٹھا ترنم سماعت میں رس گھول رہا ہے۔ ماشاء اللہ!
خلیل بھائی ، اظہارِ سپاس کے لئے الفاظ نہیں میرے پاس۔ اس محبت کے لئے آپ کا مقروض ہوں۔ اللہ کریم آپ کو ہمیشہ شاد و آباد رکھے ۔ اپنی امان کے سائے میں تروتازہ رکھے اور ہر مشکل پریشانی دور فرمائے ۔ دونوں جہانوں میں آسانیاں عطا فرمائے۔ آمین ۔
کس طرح اتنی محبت اب نبھاؤں میں ظہیرؔ
اتنا قرضِ دوستی آخر ادا کیسے کروں

 

[ظہیراحمدظہیر]

واہ۔۔ سبحان اللّٰہ۔۔۔۔ اللّٰہ تعالٰی آپ سلامت رکھیں۔

بہت شکریہ احمد محمد! بہت ممنون ہوں ! اللہ خوش رکھے!

 

[ظہیراحمدظہیر]

خلیل بھائی ، اس آڈیو کو ڈاؤنلوڈ کرنے کا طریقہ کیا ہوگا ؟
تنگ کرنے کے لئے پیشگی معذرت ۔

 

[ظہیراحمدظہیر]

خلیل بھائی ، اس آڈیو کو ڈاؤنلوڈ کرنے کا طریقہ کیا ہوگا ؟
تنگ کرنے کے لئے پیشگی معذرت ۔

خلیل بھائی ، سمجھ میں آگیا ۔ اوپر داہنی طرف والے آئیکون کو کلک کرنے سے نیا صفحہ کھل گیا اور وہاں سے ڈاؤنلوڈ کرلیا ہے ۔ جزاک اللہ خیرا۔

 

[محمد شکیل خورشید]

بہت ہی اعلیٰ، زبردست

 

[عاطف ملک]

تیر ایسے بھی حلیفوں کی کمانوں میں ہیں آج
جن کے ترکش کا پتا ہے ، نہ نشانے کی خبر

کمال است

ملنے آئے ہیں مرے دوست ، یقیناً ہوگی
پھر نئی تازہ کوئی دل کو جلانے کی خبر

بہت خوبصورت۔۔۔۔۔ڈھیر ساری داد

 

[ظہیراحمدظہیر]

بہت کم غزلیں ہوتی ہیں جن کے سارے اشعار ایسے رواں اور خوبصورت ہوں، بہت خوب ڈاکٹر صاحب قبلہ۔

آپ نے تو سیروں خون بڑھادیا جناب ۔ اللہ کریم آپ کو خوش رکھے ۔ آپ احباب کی پذیرائی سے قلم کو تحریک ملتی ہے ۔
یہ کلمات تحسین میرے لئے سرمایہء افتخار ہیں ۔
اللہ کریم آپ کو سلامت رکھے ۔ آمین ۔

 

[فاخر رضا]

سب اشعار بہترین ہیں.

تیر ایسے بھی حلیفوں کی کمانوں میں ہیں آج
جن کے ترکش کا پتا ہے ، نہ نشانے کی

اسکا مطلب سمجھا دیں

 

[ظہیراحمدظہیر]

بہت ہی اعلیٰ، زبردست

نوازش! آداب شکیل بھائی !بہت شکریہ۔

کمال است
بہت خوبصورت۔۔۔۔۔ڈھیر ساری داد

بہت بہت شکریہ عاطف بھائی! عزت افزائی ہے!

سب اشعار بہترین ہیں.
اسکا مطلب سمجھا دیں

ارے فاخر بھائی اب ایسا ظلم نہ کریں ۔ شعر تو بالکل صاف ہی ہے ۔ تیر، ترکش اور نشانے بالکل عام سی علامات ہیں ۔ (یہ اور بات ہے کہ آپ اس میں ترکش کو Turkish پڑھ رہے ہوں ) ۔

 

[محمد خلیل الرحمٰن]

ظہیر بھائی کی خوبصورت غزل اور ہمارا مترنم خراج ِ تحسین

 

[سیما علی]

خاک چھانوں تری گلیوں کی بتا میں کب تک
دے مرے شہر کوئی یار پرانے کی خبر !

ظہیر بھائی ڈھیروں داد و تحسین
آپ کیسے ہیں اتنے دونوں سے کہاں مصروف ہیں ۔
پروردگار آپکو اپنی امان میں رکھے آمین ۔۔