اٹھ چلے ہاتھ لگاتے ہوئے سب کانوں کو

[راحیل فاروق]

اٹھ چلے ہاتھ لگاتے ہوئے سب کانوں کو
بولنے ہی نہ دیا تم نے تو دیوانوں کو

گرچہ مشہور ہیں یوں بھی مری دیوانگیاں
آپ کے نام سے پر لگتے ہیں افسانوں کو

کون دے مجھ کو دعا، میری دوا کون کرے
عشق کا درد نہ اپنوں کو نہ بیگانوں کو

تیری دنیا میں محبت کی کمی ہے ورنہ
کسی جنت کی ضرورت نہ تھی انسانوں کو

اب جو ساقی سے بگاڑی ہے تو راحیلؔ میاں
آپ بھرتے ہوئے دیکھا کریں پیمانوں کو
​

 

[ندیم مراد]

کیا غزل خوب کہی آپ نے راحیل میاں
اک نئی طرز سکھائی ہے غزل خوانوں کو

 

[الف عین]

خوب۔ ماشاء اللہ

 

[راحیل فاروق]

خوب۔ ماشاء اللہ

شکریہ، مرشدی!

 

[راحیل فاروق]

کیا غزل خوب کہی آپ نے راحیل میاں
اک نئی طرز سکھائی ہے غزل خوانوں کو

داد کی داد، بندہ پرور۔

 

[ہما حمید ناز]

اچھی غزل ہے ! اس کے اختصار کی وجہ سے کچھ تشنگی سی محسوس ہوتی ہے - کچھ اور اشعار نکالئے اس میں ۔
مطلع کا پہلا مصرع پسند نہیں آیا ۔ اٹھ چلے ہاتھ کی وجہ سے کچھ تعقید پیدا ہورہی ہے ۔ ویسے پورا مصرع ہی کچھ اچھا تاثر نہیں چھوڑ رہا۔ معذرت !

 

[راحیل فاروق]

مطلع کا پہلا مصرع پسند نہیں آیا ۔ اٹھ چلے ہاتھ کی وجہ سے کچھ تعقید پیدا ہورہی ہے ۔ ویسے پورا مصرع ہی کچھ اچھا تاثر نہیں چھوڑ رہا۔ معذرت !

معذرت تو میری بنتی تھی۔ چلیں، آپ نے کر لی۔ اچھا لگا۔

کچھ اور اشعار نکالئے اس میں ۔

گویم مشکل وگر نگویم مشکل۔ پرانی ہے یہ غزل۔ اشعار خود بخود نکل آئے تھے۔ اب نہ نکلیں گے۔ اس پر بھی میری معذرت بنتی ہے ویسے۔

 

[نمرہ]

عشق کا درد نہ اپنوں کو نہ بیگانوں کو۔ واہ!

 

[جاسمن]

واہ بہت خوب!

 

[قمرآسی]

واااہ صاحب ۔۔۔۔۔۔بہت عمدہ غزل کہی۔۔۔۔داد حاضر ہے

 

[یوسف سلطان]

کون دے مجھ کو دعا، میری دوا کون کرے
عشق کا درد نہ اپنوں کو نہ بیگانوں کو

بہت خوب

 

[نایاب]

واہہہہہہہہہہہہہ
بہت خوب
بہت دعائیں

اب جو ساقی سے بگاڑی ہے تو راحیلؔ میاں
آپ بھرتے ہوئے دیکھا کریں پیمانوں کو

 

[راحیل فاروق]

ایک دوست کا محبت بھرا ڈیزائن۔۔۔

 

[عثمان قادر]

تیری دنیا میں محبت کی کمی ہے ورنہ
کسی جنت کی ضرورت نہ تھی انسانوں کو

بہت عمدہ لاجواب

 

[محمد تابش صدیقی]

کون دے مجھ کو دعا، میری دوا کون کرے
عشق کا درد نہ اپنوں کو نہ بیگانوں کو

خوب کہا

 

[مریم افتخار]

گرچہ مشہور ہیں یوں بھی مری دیوانگیاں
آپ کے نام سے پر لگتے ہیں افسانوں کو

تیری دنیا میں محبت کی کمی ہے ورنہ
کسی جنت کی ضرورت نہ تھی انسانوں کو

 

[فیضان قیصر]

راحیل بھائی دیکھ لیں آج آپکی تمام غزلیں ڈھونڈھ ڈھونڈھ کر پڑھ رہا ہوں ۔ آپکے اندازِ بیاں نے گرویدہ کرلیا۔

 

[حسرت جاوید]

تیری دنیا میں محبت کی کمی ہے ورنہ
کسی جنت کی ضرورت نہ تھی انسانوں کو

واہ۔

 

[محمد شکیل خورشید]

بہت خوبصورت