اپنی بگڑی بَنا کے پیتا ہوں - خلیل میاں برکاتی

[ابو المیزاب اویس]

اپنی بگڑی بنا کے پیتا ہوں​

اُن سے نظریں مِلا کے پیتا ہوں​

​

یار سے لَو لگاکے پیتا ہوں​

آگ دل کی بُجھاکے پیتا ہوں​

​

بے خودی پردہ دار ہوتی ہے​

ماسِوا کو بُھلا کے پیتا ہوں​

​

رحمتِ عام مژدہ دیتی ہے​

محتسب کو جَتاکے پیتا ہوں​

​

وہ جو ایسے میں یاد آتے ہیں​

چار آنسو بہا کے پیتا ہوں​

​

کوثر و سلسبیل کے غم میں​

صحنِ مسجد میں جا کے پیتا ہوں​

​

زندگی کو سنوارنے کے لئے​

اپنی ہستی مِٹا کے پیتا ہوں​

​

اللہ اللہ کمالِ مے نوشی​

آنکھوں آنکھوں میں لا کے پیتا ہوں​

​

صدقہ دیتا ہوں پارسائی کا​

تھوڑی سی مے گِرا کے پیتا ہوں​

​

مجھ کو احباب دیں نہ کچھ الزام​

"شیخ جی" کو دِکھاکے پیتا ہوں​

​

اُن کی آنکھوں کو دیکھتا ہوں خلیل​

گویا ساغر اُٹھا کے پیتا ہوں​

​

ازخلیل میاں برکاتی​

 

[نایاب]

اک اچھا انتخاب

 

[ابو المیزاب اویس]

اک اچھا انتخاب

شکریہ پسندیدگی کا

 

[باباجی]

واہ بہت خوب کلام

صدقہ دیتا ہوں پارسائی کا​

تھوڑی سی مے گِرا کے پیتا ہوں​

 

[ابو المیزاب اویس]

واہ بہت خوب کلام

صدقہ دیتا ہوں پارسائی کا​

تھوڑی سی مے گِرا کے پیتا ہوں​

بہت شکریہ پسند کرنے کا

 

[محمد وارث]

کیا ہی اچھی غزل ہے۔ شکریہ جناب ارسال فرمانے کیلیے

 

[مدیحہ گیلانی]

واہ خوب کلام انتخاب فرمایا ہے ۔
نذر محفل کرنے کا شکریہ