اپنے جی میں جو ٹھان لیں گے آپ

[سین خے]

اپنے جی میں جو ٹھان لیں گے آپ

اپنے جی میں جو ٹھان لیں گے آپ
یا ہمارا بیان لیں گے آپ

جستجو قاعدے کی ہو ورنہ
در بدر خاک چھان لیں گے آپ

عہد حاضر کے بعد آئے گا
وہ زمانہ کہ جان لیں گے آپ

یوں تو غصہ حرام ہے لیکن
روز جب امتحان لیں گے آپ

آپ کو مہرباں سمجھتے ہیں
اور کیا ناک کان لیں گے آپ

صاف کہئے کہ چاہتے کیا ہیں
کیا غریبوں کی جان لیں گے آپ

یہ حریفان کم نظر اے شادؔ
مجھ کو اک روز مان لیں گے آپ

شاد عارفی​

 

[محمد خلیل الرحمٰن]

بہت اعلیٰ

 

[خالد محمود چوہدری]

بہت اچھے جناب

 

[محمد عدنان اکبری نقیبی]

واہ ۔عمدہ،زبردست