بابا بلھے شاہ اپنے سنگ رلائیں پیارے، اپنے سنگ رلائیں ۔ بلھے شاہ

[فرخ منظور]

اپنے سنگ رلائیں پیارے، اپنے سنگ رلائیں
پہلے نیُونہہ لگایا سی تیں آپے چائیں چائیں
میں لایا ہے کہ تُدھ لایا، اپنی اور نبھائیں
راہ پواں تاں دھاڑے بیلے، جنگل لکھ بلائیں
بُھوکن چیتے چِت مچتے، بھوگن کرن ادائیں
پار تیرے جگاتر چڑھیا، کنڈھے لکھ بلائیں
ہُول دلے دا تھر تھر کنبدا، بیڑا پار لنگھائیں
کر لے بندگی رب سچّے دی، پون قبول دعائیں
بُلھے شاہ تے شوہ دا مُکھڑا، گھنگٹ کھول وکھائیں
اپنے سنگ رلائیں پیارے، اپنے سنگ رلائیں

(بلھے شاہ)
​

اوکھے لفظاں دے معنے
سنگ: ساتھ؛ چائیں چائیں: چاء نال، ارماناں نال؛ اور:اپنے ولّوں؛ دھاڑے:حملے، ڈاکے؛ بیلے:سنگھنے جنگل؛ بھوکڻ: دند کھوبدے نیں ، جے ایہہ بوکن ہے تے ایہہ بوک توں نکلیا لفظ ہو سکدا ہے۔ بوک دا معنی ہے، بکرا، تے بوکن دا مطلب ہووے گا بکرے بلاون، للکراں مارنا؛ جُگاتر:جُگ انتر، اک جُگ دا اخیر تے دوجے دا شروع؛ ہول:ہولا، رُکھ دی پوری نوں کھوکھلا کرکے بنائی گئی بیڑی

 

[رومانہ چوہدری]

اعلیٰ