اچھا ہوا کہ دم شب ہجراں نکل گیا (زین العابدین خان عارف)

[نیرنگ خیال]

اچھا ہوا کہ دم شب ہجراں نکل گیا
دشوار تھا یہ کام پر آساں نکل گیا

بک بک سے ناصحوں کی ہوا یہ تو فائدہ
میں گھر سے چاک کر کے گریباں نکل گیا

پھر دیکھنا کہ خضر پھرے گا بہا بہا
گر سوئے دشت میں کبھی گریاں نکل گیا

خوبی صفائے دل کی ہماری یہ جانیے
سینے کے پار صاف جو پیکاں نکل گیا

ہنگامے کیسے رہتے ہیں اپنے سبب سے واں
ہم سے ہی نام کوچۂ جاناں نکل گیا

فرقت میں کار وصل لیا واہ واہ سے
ہر آہ دل کے ساتھ اک ارماں نکل گیا

بہتر ہوا کہ آئے وہ محفل میں بے نقاب
عاؔرف غرور ماہ جبیناں نکل گیا​

 

[فاروق احمد بھٹی]

اچھی ہے غزل ہم تک پہنچانے کا شکریہ

 

[سید شہزاد ناصر]

واہ بہت خوب
نرالی تراکیب سے مرصع بہت خوبصورت غزل
شراکت کا شکریہ
سلامت رہیں

 

[arifkarim]

عاؔرف غرور ماہ جبیناں نکل گیا

شکر ہے اردو شاعری میں کہیں ہمارا نام بھی آہی گیا

 

[نیرنگ خیال]

اچھی ہے غزل ہم تک پہنچانے کا شکریہ

شکرگزار ہوں۔

 

[نیرنگ خیال]

واہ بہت خوب
نرالی تراکیب سے مرصع بہت خوبصورت غزل
شراکت کا شکریہ
سلامت رہیں

شکریہ شاہ جی۔

 

[نیرنگ خیال]

شکر ہے اردو شاعری میں کہیں ہمارا نام بھی آہی گیا

ہاہاہاہااااا

 

[سید شہزاد ناصر]

شکر ہے اردو شاعری میں کہیں ہمارا نام بھی آہی گیا

اور آپ یہ دیکھ کر ہی خوش ہو گئے

 

[سید عاطف علی]

نام سے لگتا ہے یہ زین العابدین عارف وہی مرزا غالب کے پرودہ بھتیجے ہیں جو مرزا صاحب کی کئی اولادیں وفات پانے پر انہوں نے لے لیے تھے ۔ اور یہ بھی جوان مرگ رہے اور مرزا نے ان کی جواں سال مرگ پر لکھا :

لازم تھا کہ دیکھو مرا رستہ کوئی دن اور
تنہا گئے کیوں اب رہو تنہا کوئی دن اور ۔

ہاں اے فلک پیر جواں تھا ابھی عارف
کیا تیرا بگڑتا جو نہ مرتا کوئی دن اور۔

 

[نیرنگ خیال]

نام سے لگتا ہے یہ زین العابدین عارف وہی مرزا غالب کے پرودہ بھتیجے ہیں جو مرزا صاحب کی کئی اولادیں وفات پانے پر انہوں نے لے لیے تھے ۔ اور یہ بھی جوان مرگ رہے اور مرزا نے ان کی جواں سال مرگ پر لکھا :

لازم تھا کہ دیکھو مرا رستہ کوئی دن اور
تنہا گئے کیوں اب رہو تنہا کوئی دن اور ۔

ہاں اے فلک پیر جواں تھا ابھی عارف
کیا تیرا بگڑتا جو نہ مرتا کوئی دن اور۔

آپ نے درست پہچانا ہے عاطف بھائی۔ یہ وہی زین العابدین خان عارف ہیں۔

 

[سید زبیر]

بہت خوبصورت کلام ، خوش رہیں
بک بک سے ناصحوں کی ہوا یہ تو فائدہ
میں گھر سے چاک کر کے گریباں نکل گیا

 

[زبیر مرزا]

واہ بہت خُوب - برسبیل تذکرہ وہ آپ کی نیلابھوتو والی تصاویرمیں حُسن کی فراوانی دیکھ کرہمارا بھی دم نکل گیا تھا (اسکو دال پرپیش لگا کرنہ پڑھا جائے)

 

[arifkarim]

نیرنگ خیال بھائی کیلئے فیض لاہوری کشیدہ خط میں:

 

[نیرنگ خیال]

بہت خوبصورت کلام ، خوش رہیں
بک بک سے ناصحوں کی ہوا یہ تو فائدہ
میں گھر سے چاک کر کے گریباں نکل گیا

شکریہ سر

 

[نیرنگ خیال]

واہ بہت خُوب - برسبیل تذکرہ وہ آپ کی نیلابھوتو والی تصاویرمیں حُسن کی فراوانی دیکھ کرہمارا بھی دم نکل گیا تھا (اسکو دال پرپیش لگا کرنہ پڑھا جائے)

ہاہاہاااا۔۔۔۔ مرزا بھائی آپ تو اسلام آباد آتے ہی نہیں ورنہ ہم کو ایسی جگہوں پر لازمی لے جائیں۔

 

[نیرنگ خیال]

نیرنگ خیال بھائی کیلئے فیض لاہوری کشیدہ خط میں:

بہت ہی خوبصورت۔ شکریہ عارف۔ یہ بتائیں کہ کیا یہ فانٹ ڈاؤنلوڈ کے لیے میسر ہے؟

 

[arifkarim]

بہت ہی خوبصورت۔ شکریہ عاطف۔ یہ بتائیں کہ کیا یہ فانٹ ڈاؤنلوڈ کے لیے میسر ہے؟

جی آجکل اسی پر ہی تو کام کر رہا ہوں تاکہ جلد از جلد ریلیز کیا جا سکے۔

 

[محمداحمد]

سبحان اللہ !

بہت اچھا انتخاب ہے۔

خوش رہیے۔

 

[نیرنگ خیال]

سبحان اللہ !

بہت اچھا انتخاب ہے۔

خوش رہیے۔

شکریہ سرکار۔۔۔۔