اچیاں ٹبیاں تے-افضل ساحر

[Saraah]

السلام اوعلیکم

ساحر ہوراں دا ایہ کلام مینوں بوہت پسند اے


(1)
اُچیاں ٹِبیاں تے میں بیٹھا
مُٹھیوں دُھوڑ اڈاواں
مُٹھیوں کِر کے میں وی کدھرے
دُور کِتے اُڈ جاواں
کِسے بسنتی پھُل دی چادر تے،
جا کے سوں جاواں
ہرے کچُور پتر دی پھُٹ اِچ
اکھّ نال حوض بناواں
عُمراں دی میں پیاس مِٹاواں
تے ہریاں ہو جاواں

اُچیاں ٹبیاں تے۔۔۔۔۔۔

(2)
اُچیاں ٹِبیاں تے میں بیٹھا
مُٹھیوں دُھوڑ اُڈاواں
مُٹھیوں کِر کے میں وی کدھرے
دُور کِتے اُڈ جاواں
اُڈ کِسے عاشق دی قبرے
میں جا کے بہہ جاواں
پھِکی مہندی والے ہتھ دے،
پائے چاؤل میں کھاواں
ٹُٹی چُنجھ نال کڈھ دو قبراں
دوہاں وچ سوں جاواں

اُچیاں ٹِبیاں تے۔۔۔۔۔۔


(3)
اُچیاں ٹِبیاں تے میں بیٹھا
مُٹھیوں دُھوڑ اُڈاواں
مُٹھیوں کِر کے میں وی کدھرے
دُور کِتے اُڈ جاواں
کِسے جوگی دے موڈھیں بہہ کے
پردیساں ول جاواں
اُس جوگی دے تِلک دی سُرخی
نِیلے ہوٹھیں لاواں
اُس سُرخی نال سُورج بالاں
جِیون نوں رُشناواں
اُچیاں ٹِبیاں تے ۔۔۔۔۔۔

 

[فرخ منظور]

بوہت ودیا کلام اے جی! بہت شکریہ سارہ صاحبہ، سنیا اے ساحر ہوراں دا کج کلام فیصل آباد والی بس وچ گواچ گیا سی۔ اے اوہو تے نئیں۔

 

[Saraah]

بوہت ودیا کلام اے جی! بہت شکریہ سارہ صاحبہ، سنیا اے ساحر ہوراں دا کج کلام فیصل آباد والی بس وچ گواچ گیا سی۔ اے اوہو تے نئیں۔

ہیں جی ؟؟؟؟؟؟؟؟؟؟؟؟؟؟

ایہ تسی اوہناں کولوں پچھو جی