بابا بلھے شاہ اک رانجھا مینُوں لوڑی دا ۔ بلھے شاہ

[فرخ منظور]

اک رانجھا مینُوں لوڑی دا
کُن فیکونوں اگے دیاں لگیاں
نیونہہ نہیں لگڑا چوری دا
اک رانجھا مینُوں لوڑی دا
آپ چھڑ جاندا نال مجھیں دے
سانہوں کیوں بیلیوں ہوڑی دا
اک رانجھا مینُوں لوڑی دا
رانجھے جیہا مینوں ہور نہ کوئی
منتاں کر کر موڑی دا
اک رانجھا مینُوں لوڑی دا
مان والیاں دے نین سلُونے
سُوہا دوپٹہ گوری دا
اک رانجھا مینُوں لوڑی دا
اَحدؔ احمد وچ فرق نہ بُلھّیا
اک رتی بھیت مروڑی دا
اک رانجھا مینُوں لوڑی دا

(بلھے شاہ)
​

 

[کامران عاشر]

بہت ودھیا انتخاب..

 

[نایاب]

بہت خوبصورت انتخاب
بہت دعائیں